"რეალ სოსიედადის" ახალმა მწვრთნელმა, დევიდ მოიესმა აღიარა, რომ სანამ ესპანურ გუნდში გადავიდოდა სამუშაოდ, სერ ალექს ფერგიუსონს ჰკითხა რჩევა.
ითვლება, რომ დევიდ მოიესი "მანჩესტერ იუნაიტედში" სერ ალექსის მემკვიდრედ სწორედ ფერგიუსონის არჩევანით მოვიდა, თუმცა მან მოლოდინი ვერ გაამართლა და აპრილში "ოლდ ტრაფორდი" დატოვა.
რამდენიმე დღის წინ მოიესმა "რეალ სოსიედადის" მთავარი მწვრთნელის პოსტი ჩაიბარა.
სანამ ასეთ გადაწყვეტილებას მიიღებდა, დევიდმა რჩევა ფერგიუსონისგან აიღო.
"სერ ალექსს დავურეკე და ჩემთვის შემოთავაზებულ სამსახურზე მოვუყევი."
"მითხრა, რომ ეს შესანიშნავი შანსი და არჩევანი იქნებოდა ჩემთვის. მისი აზრით, ბრიტანელი მწვრთნელები ძალიან იშვიათად იღებენ სამუშაოს საზღვარგარეთ." - განაცხადა მოიესმა.