"მანჩესტერ იუნაიტედის" მარცხენა მცველი, ლუკ შოუ იმედოვნებს, რომ კლუბში ნაჩვენებ კარგ თამაშს ნაკრების დონეზეც გადაიტანს და უახლოეს მატჩებში "სამ ლომს" დაეხმარება.

"თავს კარგად და ძლიერად ვგრძნობ. ნაკრებში პოზიტიური განწყობით მივდივარ."

"შენი ქვეყნის რიგებში თამაში სულ სხვაა. ლიგის თამაშებისგან განსხვავდება ინგლისში ეროვნული ფეხბურთი ყველასთვის ბევრს ნიშნავს."

"ამჟამად კარგი დრო არ გვიდგას, მაგრამ ყველას ვაჩვენებთ, რისი გაკეთება შეგვიძლია. გვინდა მსოფლიოს საუკეთესო ნაკრები ვიყოთ და ამას დრო დასჭირდება, მაგრამ დარწმუნებული ვარ ერთ დღეს ჩვენი დროც მოვა."

შოუ მოუთმენლად ელოდება "სელტიკ პარკზე" შოტლანდიის ნაკრებთან დაპირისპირებას, რომელიც მისი აზრით მეტი იქნება, ვიდრე უბრალო ამხანაგური შეხვედრა.

"ვფიქრობ, ეს იქნება ძალიან დაძაბული და დიდებული მატჩი. დარწმუნებული ვარ, მას ყველა მიადევნებს თვალს - ეჭვი არ მეპარება, სტადიონი სავსე იქნება."

"ამას ფეხბურთელები მოუთმენლად ელოდებიან. ისინი ამ მატჩს არ იღებენ, როგორც ამხანაგურს, ჩვენ მოგება და სიამოვნების მიღება გვსურს."

"დაძაბულ შეხვედრებში ნაკლებად მიმიღია მონაწილეობა, მაგრამ წარსულში გვინახავს, თუ რას ნიშნავს ეს მოთამაშეებისთვის და ქომაგებისთვის - ყველას სურს მოგება."

"მე მონაწილეობა მივიღე ისეთ დიდ მატჩებში, როგორიცაა "ჩელსისა" და "სიტის" წინააღმდეგ გამართული შეხვედრები და ყველა ნახავდით, რამდენად მონდომებული იყო თითოეული ადამიანი და რამდენს ნიშნავდა ეს მათთვის. შეუძლებელია ასეთმა რამემ არ ჩაგითრიოს."

წყარო: manutd.com