"მანჩესტერ იუნაიტედის" ნახევარმცველი, მაიკლ კერიკი გამოტყდა, რომ სურს კონტრაქტი გაახანგრძლივოს, რომელიც მიმდინარე სეზონის ბოლოს იწურება.
კერიკი "ოლდ ტრაფორდზე" 2006 წლის შემდეგ თამაშობს - სწორედ იმ წელს "იუნაიტედმა" 18.6 მლნ. ფუნტად "ტოტენჰემიდან" ინგლისელი ფეხბურთელი გადაიბირა. ამ პერიოდის განმავლობაში კი კერიკმა პრემიერ ლიგის 5 და ჩემპიონთა ლიგის ერთი ტიტული მოიგო.
ბოლო პერიოდში კერიკი ტრავმებმა შეაწუხეს, რაც გახდა კიდეც მიზეზი ნაკრების რიგებიდან კლუბში ნაადრევად დაბრუნებისა.
თუმცა 33 წლის კერიკი დარწმუნებულია, რომ ლუი ვან გაალი მისგან სარგებლის ნახვას ჯერ კიდევ შეძლებს.
"ჩემი კონტრაქტი მიმდინარე სეზონის ბოლოს იწურება და რა თქმა უნდა მსურს აქ დარჩენა. წასასვლელი არსად მაქვს!"
"ზაფხულში არც კი ვფიქრობდი ახალ კონტრაქტზე, როცა ტრავმას ვიშუშებდი. ვფიქრობ, თუ ეს მოხდება, ალბათ შობაზე." - განაცხადა კერიკმა.