"მანჩესტერ იუნაიტედის" ნახევარმცველი, მარუან ფელაინი თვლის, რომ რეგულარულად თამაშის შემთხვევაში სახიფათო იქნება.
"ოლდ ტრაფორდზე" მარუანის სადებიუტო სეზონი წარუმატებელი გამოდგა - დიდწილად ჯანმერთელობასთან დაკავშირებული პრობლემების გამო. მიმდინარე სეზონის დასაწყისში ფელაინი კვლავ შეაწუხა ტრავმამ, თუმცა ეს უკვე წარსულია.
ბელგიელი ფეხბურთელი "წითელი ეშმაკების" სასტარტო შემადგენლობაში ზედიზედ სამჯერ გამოჩნდა - "ჩელსის", "მანჩესტერ სიტისა" და "კრისტალ პალასის" წინააღმდეგ მატჩებში.
გარდა ამისა, მარუან ფელაინიმ სადებიუტო გოლის გატანაც მოახერხა "ვესტ ბრომთან" მატჩში, რაც მას თავდაჯერებულობას მატებს.
"რთულია, როცა მოედანზე გადიხარ, შემდეგ კი ტრავმის გამო რამდენიმე თვეს ან კვირას ისვენებ და ისევ მოცდა გიწევს. მინდა ახლა ჯანმრთელი ვიყო, ძალიან ჯანმრთელი. ვგრძნობ, რომ შემიძლია სახიფათო ვიყო, თუ კი ჯანმრთელი ვიქნები."
"გოლის შემდეგ საოცარ გრძნობას განვიცდიდი. ამას ისე დიდხანს ველოდი! როგორც კი ბურთი კარში აღმოჩნდა, მაშინვე ქომაგებისკენ გავიქეცი, რადგან მინდოდა მათთან ერთად აღმენიშნა."
"სხვებიც მოვიდნენ ჩემთან ერთად. ყველას უხაროდა ჩემ გამო და ამან თავდაჯერებულობა შემმატა. ყველანი კმაყოფილი დავრჩით იმით, რომ თამაშში დავბრუნდით, ეს გუნდისთვის მნიშვნელოვანი გოლი იყო." - განაცხადა მარუანმა.