ესპანელი ნახევარმცველი თვლის რომ, "სოსიედადის" ახალ დამრიგებელს უბრალოდ არ გაუმართლა "ოლდ ტრაფორდზე" მუშაობისას.
მატა სწორედ დევიდ მოიესმა მოიყვანა გუნდში იანვრის სატრანსფერო ფანჯრისას, მაგრამ ჩემპიონატის დამთავრებამდე 4 ტურით ადრე დათხოვნილი იქნა.
მიუხედავად ამისა ხუანი თვლის რომ შოტლანდიელი კარგი სპეციალისტია:
"სიმართლე გითხრათ, სერ ალექსის შეცვლა ადვილი არავისთვის არ არის და გამონაკლისი ვერც დევიდი გამოდგა. მიუხედავად იმისა რომ მხოლოდ რამდენიმე თვე მომიწია მასთან ერთად მუშაობა, ყოველთვის მისი მადლიერი ვიქნები, რადგან მან დიდი როლი ითამაშა "იუნაიტედში" ჩემ გადმოსვლაში."
ესპანელის აზრით, მოიესს ყველაფერი აქვს იმისთვის რომ, ესპანეთში წარმატებას მიაღწიოს:
"მინდა მას ყველაფერი საუკეთესო ვუსურვო. სასიამოვნო მოგონებები დამრჩა მასთან მუშაობის დროიდან. "სოსიედადში" მე რამდენიმე კარგი მეგობარი მყავს, მაგალითად: ესტებან გრანერო, რომელსაც ასევე წარმატებებს ვუსურვებ. იმედი მაქვს ესტებანი დარჩება გუნდში და დაეხმარება მას.
მათ საკმაოდ კარგი შემადგენლობა ჰყავთ, ძალიან კარგი შემტევებით, ამიტომ მჯერა რომ ისინი კარგ შედეგს მიაღწევენ.
სან სებასტიანი - ეს არის ადგილი სადაც შეგიძლია დატკბე ცხოვრებით"