მარუან ფელაინი აცხადებს, რომ შარშანდელ სეზონში განტევების ვაცად იქცა, ვინაიდან დევიდ მოიესის გუნდი მეშვიდე პოზოციაზე გავიდა პრემიერ ლიგაში. როდესაც მას ჰკითხეს, იმსახურებდა თუ არა მისდამი კრიტიკას მან უპასუხა: "მე არ ვიმსახურებდი ამას. რთული კითხვაა და პასუხიც რთული გასაცემია. გეთანხმებით რომ წინა სეზონი რთული იყო. გუნდში ახალი მწვრთვნელი მოვიდა და მუშაობა ბევრ ფეხბურთელს გაუჭირდა."

"ფეხბურთში ძლიერი მენტალიტეტი უნდა გქონდეს. მე ჩემი ოჯახი დამეხმარა სიტუაციიდან გამოსვლაში, თუმცა საკუთარი თავის რწმენა არასოდეს დამიკარგავს. ფსიქოლოგიური მხარე ძალიან მნიშვნელოვანია და მე სწორად რომ მაქვს ის დონე რომ წინსვლა განვაგრძო."

"გასული სეზონი რთული იყო ჩემთვის, მაგრამ მუნდიალი დამეხმარა სიტუაციიდან გამოსვლაში. დამეხმარნენ ასევე თანაგუნდელები და ეროვნული ნაკრების მწვრთვნელი. ეს დიდებული გამოცდილება იყო თითოეული ჩვენგანისთვის."

ფელაინი ასევე იმაშიც გამოტყდა რომ ამ სეზონში გაცილებით ბედნიერია.

"დევიდმა იცოდა ჩემი მონაცემების შესახებ. ამიტომაც შემიძინა მე. იცოდა რისი გაკეთება შემიძლია და სწორედ ამიტომ ვარ მე დღეს აქ. მაგრამ ახლა ვთამაშობ და ბედნიერი ვარ. როდესაც თამაშობ მაშინ ბედნიერიც ხარ. მაგრამ ამასთანავე მე ბევრს ვმუშაობდი და ვიმუშავებ სათამაშო დრო რომ მქონდეს."

"ახლა ფორმაში ვარ და თავს უკეთ ვგრძნობ. როდესაც სუპერ ფორმაში ვიქნები თავსაც უკეთ ვიგრძნობ. ამ სეზონის დასაწყისში ტრავმა მაწუხებდა. მითხრეს რომ ოპერაცია მესაჭიროებოდა, მაგრამ ეს ასე არ გამოდგა. ეს რთული ტრავმა იყო, მაგრამ ახლა კარგად ვარ და შემიძლია წინ გავიხედო. ამ მომენტში მწვრთნელი საჯარიმოსთან ახლოს მათამაშებს და მე გოლების გატანას ვცდილობ." - დაასრულა ფელაინმა.

წყარო: RepublikOfMancunia