ირლანდიის ნაკრების მთავარმა მწვრთნელმა, მარტინ ო'ნილმა განაცხადა, რომ "იუნაიტედის" ყოფილი ბოსი, სერ ალექს ფერგიუსონი და როი კინი საზოგადოების საჭორაო თემას წარმოადგენენ.

როი კინმა ახლახანს თავისი მეორე ავტობიოგრაფიული წიგნი გამოსცა, რომელშიც სერ ალექს ფერგიუსონს უწმაწური სიტყვებით მოიხსენიებს, რისი მიზეზიც 2005 წელს გუნდიდან გაგდება გახდა.

გასულ წელს, სერ ალექს ფერგიუსონის ავტობიოგრაფიაში შოტლანდიელმა მწვრთნელმა კინის ინტერვიუ "უმსგავსობად" და "ხუმრობად" მოიხსენია, რომელიც როიმ "იუნაიტედის" ოფიციალურ ტელევიზიას მისცა და რომელშიც იგი "მიდლსბროს" წინააღმდეგ ჩატარებულ შეხვედრაში თავის თანაგუნდელებს აკრიტიკებდა.

ო'ნილი კი, რომლის ასისტენტი როი კინია ითხოვს, რომ ირლანდიელი და შოტლანდიელი შერიგდნენ.

"მანჩესტერ იუნაიტედი" გასაოცრად წარმატებული იყო და ეს ორი ადამიანი გუნდის ფუნდამენტს წარმოადგენდა."

"მწვთნელი ძალიან მნიშვნელოვანი ფიგურაა ასეთი დროის მონაკვეთში ასე დიდი წარმატების მისაღწევად."

"ასე ხანგრძლივად ნებისმიერ გუნდში დარჩენა გასაოცარია; ისეთ გუნდში დარჩენა კი, როგორიც "მანჩესტერ იუნაიტედია" წარმატებას ერთი ორად ზრდის."

"სერ ალექსისთვის რომ გეკითხათ, ფსონს ჩამოვდივარ, რომ სამი ტრანსფერის განხორციელების უფლება რომ ჰქონდეს სამივეჯერ როი კინს იყიდდა. ამრიგად, ის ძალიან კარგ ფეხბურთელს შეიძენდა. აი, რამდენად მნიშვნელოვანი იყო როი ფერგიუსონისთვის. ორივე მათგანი ერთმანეთისთვის უმნიშვნელოვანესი გიფურა იყო წლების განმავლობაში და ჩემი აზრით ასეთი რამის დავიწყება არ ღირს."

"შესაძლოა ხალხს საკუთარი არგუმენტი ჰქონდეს და ვინ ვარ მე, რომ მათი არგუმენტები უარვყო, ვინ ვარ, რომ მათ შევედავო? ამას არც ვაპირებ, ყველაფერი, რის თქმაც მსურდა ეს არის ის, რომ ისინი უმნიშვნელოვანესი ფიგურები არიან ერთმანეთისთვის და კარგი იქნება თუ, ამას საჯაროდ აღიარებენ. ვიცი, რომ გულის სიღრმეში იციან კიდეც ეს."

წყარო: M.E.N.