ესპანური მედია Fichajes იტყობინება, რომ მანჩესტერ იუნაიტედი" ბილბაოს "ატლეტიკის" ფეხბურთელით აიმერიკ ლაპორტეთი " ინტერესდება და შესაძლოა იანვარში ტრანსფერი განხორციელდეს.
იგივე გაზეთი ხავიერ ერნანდესის მომავალსაც შეეხო.
მექსიკელი ფორვარდი იჯარის წესით მადრიდის "რეალში" თამაშობს და როგორც მოსალოდნელია ის "ოლდ ტრაფორდზე" არ დაბრუნდება, მიუხედავად იმისა, რომ შესაძლოა ევროპის ჩემპიონებისგან კონტრაქტი ვერ მიიღოს.
ესპანეთში გაემგზავრება "იუნაიტედის" ყოფილი მწვრთნელი, დევიდ მოიესიც.
შოტლანდიელმა სპეციალისტმა "რეალ სოსიედადთან" შეთანხმებას უკვე მიაღწია და ესპანურმა გუნდმა პეპე მელსა და მოიესს შორის "ევერტონისა" და "მანჩესტერ იუნაიტედის" ყოფილი დამრიგებელი აირჩია.
"იუნაიტედის" მცდელობა შეიძლება დასრულებულად ჩავთვალოთ.
"მანჩესტერს" პრემიერ ლიგის ერთ-ერთი ყველაზე კაშკაშა ნიჭის მქონე ფეხბურთელის გადაბირება სურდა, თუმცა საიდო ბერაჰინომ "ვესტ ბრომთან" ახალი, 5 წლიანი კონტრაქტი გააფორმა.
შვილი მამის გზას არ მიჰყვება.
დევიდ ბექჰემის შვილი, ბრუკლინი მამის გზას არ გაჰყვება და როგორც მოსალოდნელია ის "იუნაიტედის" აკადემიას "არსენალის" აკადემიას ამჯობინებს.