ლუი ვან გაალი ცენტრალური მცველის პოზიციაზე მატს ჰუმელსის შეძენას ჯერ კიდევ გეგმავს.

ზაფხულში, როცა "იუნაიტედმა" მატს ჰუმელსის თაობაზე "ბორუასიას" მიმართა, ამ უკანასკნელისგან გერმანელი ფეხბურთელის შეძენის თაობაზე მტკიცე უარი მიიღო. თუმცა, "იუნაიტედი" ჰუმელსისთვის თავის დანებებას არ აპირებს.

"მანჩესტერ იუნაიტედის" დაცვის ხაზში არსებული პრობლემებიდან გამომდინარე, ჰუმელსს "წითლების" ძირითადში ადგილი გარანტირებული აქვს. მის გადასვლას შესაძლოა ხელი შეუწყოს "ბორუსიას" რეგრესმაც.

მიუხედავად იმისა, რომ დორტმუნდელები ჩემპიონთა ლიგაზე წარმატებით თამაშობენ, ბუნდესლიგის გრანდი შიდა ჩემპიონატში არც თუ სახარბიელოდ გამოიყურება.

"ბორუსიას" უკანასკნელ პერიოდში ძალიან ბევრი წამყვანი ფეხბურთელი დაუკარგავს - ნური შაჰინის, რობერტ ლევანდოვსკის, შინჯ კაგავასა და მარიო გიორცეს სახით და გუნდის ერთგული ვარკსვლავები ამჟამინდელ შემადგენლობაში მხოლოდ ჰუმელსი და მარკო როისი დარჩნენ.

ხერარდ პიკე, რომელიც "ოლდ ტრაფორდზე" დაბრუნებაზე უარს აცხადებს, შესაძლოა ლონდონის "ჩელსიში" ვიხილოთ.

"იუნაიტედი" თვალს ადევნებს "ბარსელონას" მარჯვენა მცველს, დანი ალვეშს, რომელიც "იუნაიტედის" გარდა "არსენალსა" და "ტოტენჰემს" სურს.

რაფაელის ტრავმიანობიდან გამომდიარე "მანჩესტერ იუნაიტედს" კიდევ ერთი მარჯვენა მცველი სჭირდება. მიუხედავად იმისა, რომ ალვეში 31 წლის გახლავთ, ის ჯერ კიდევ თამაშობს მაღალ დონეზე.

გარეტ ბეილის შესახებ კიდევ ერთი ჭორი ვრცელდება - მადრიდის "რეალი" ედენ აზარის შეძენას აპირებს, რომელსაც სავარაუდოდ ბეილის ჩასანაცვლებლად გამოიყენებს.

"იუნაიტედი", "არსენალი" და "ჩელსი" "ბენფიკას" 20 წლის ფორვარდით, ტალისკათი ინტერესდებიან.

არც ერთი კვირა არ ჩაივლის ისე, რომ "იუნაიტედი" ბენფიკას რომელიმე ფეხბურთელს არ დაუკავშირონ.

დევიდ მოიესი უახლოეს პერიოდში "რეალ სოსიედადს" ჩაიბარებს.

წყარო: M.N.E