"იუნაიტედის" ოფიციალური საიტის ჟურნალისტი მარკ ფროგატი თვლის, რომ ბელგიელი "გიგანტი" ნელ-ნელა იწყებს იმ თამაშის ჩვენებას, რომელსაც მისგან გულშემატკივარი სადებიუტო სეზონშივე ელოდა.
"თითქმის ყველა მოთამაშე, რომელიც "იუნატედში" გადმოდის, აცხადებს, რომ სურს დიდ წარმატებას მიაღწიოს გუნდთან ერთად და ამახვილებს ყურადღებას ამბიციებზე. რა თქმა უნდა, მარუანიც არ იყო გამონაკლისი და მანაც დაახლოებით იგივე განაცხადა, მაგრამ ელოდა კი ის ასეთ რთულ სეზონს გასულ წელს?
ბელგიელის დებიუტი გასული წლის სექტემბერში შედგა, "კრისტალ პალასთან". მთელი სტადიონი ელოდებოდა მის გამოჩენას, გულშემატკივრებს მომარაგებული ჰქონდათ პარიკები და ახალი ბანერიც კი ახალბედას გასამხნევებლად. ეს დღე სავსე ოპტიმიზმით იყო , როგორც ფანებისთვის, ისე თავად ფელაინისთვის. თუმცა მალე მხარდამჭერების შთაბეჭდილება ბელგიელის მიმართ რადიკალურად შეიცვალა, მაგრამ საქმე იმაშია, რომ მარუანმა ძალიან ცოტა შეხვედრა ჩაატარა.
"ახალმა ფელაინიმ თავი წარმოაჩინა "ვესტ ბრომთან" შეხვედრაში, სადაც მან მოედანზე შემოსვლიდან 3 წუთში ბრწყინვალე გოლი გაიტანა, სხვათაშორის ეს გოლი ოქტომბრის საუკეთესოდ აღიარეს. ბელგიელი კარგად გამოიყურებოდა "ჩელსისთან" და "სიტისთან" მატჩებშიც, რამაც გულშემატკივარს ისევ დაუბრუნდა იმედი."
თავად მარუანმაც გააკეთა კომენტარი ამის შესახებ: "არის მომენტები, როდესაც შენი საქმე არ მიდის ისე, როგორც დაგეგმილი გაქვს და როგორც შენ გსურს. მე ეს მომენტი გასულ სეზონში მქონდა, მაგრამ მე გამოწვევებს არ ვუშინდები და მინდა მივიღო რაც შეიძლება მეტი დრო. ყოველ ვარჯიშზე თავს არ ვზოგავ და 100 პროცენტით ვიხარჯები. მინდა ყოველთვის შევდიოდე მენეჯერის გეგმებში".