ლუი ვან გაალმა ახსნა, თუ რატომ არ ჩადის ტექნიკურ ზონაში.

"მანჩესტერ იუნაიტედის" ქომაგს დიდი ხნის განმავლობაში აწუხებს კითხვა, თუ რატომ არ ტოვებს ვან გაალი მთავარი მწვრთნელის სავარძელს.

პირველი შემთხვევა, როცა ვან გაალი "იუნაიტედში" მთავარი მწვრთნელის პოსტზე დანიშვნის დღიდან ტექნიკურ ზონასთან გამოჩნდა, გასული ტურის მატჩში მოხდა, როცა კრის სმოლინგი "ეტიჰადზე" გააძევეს.

"სავარძელში მუდამ იმიტომ ვზივარ, რომ ჩემი ფილოსოფია ასეთია - ფეხბურთელები თამაშისთვის უნდა მოამზადო და როცა გვერდითა ხაზთან ყვირიხარ, თამაშის დროს ვერავის ეკონტაქტები, განსაკუთრებით თუ "ოლდ ტრაფორდზე" ვთამაშობთ."

"მაგრამ იმჯერად, როცა "სიტისთან" თამაშის დროს ტექნიკურ ზონასთან მივედი, მხოლოდ იმიტომ გავაკეთე ეს, რომ კრის სმოლინგის გაძევების შემდეგ ჩვენი სისტემა გამენახლებინა. მხოლოდ ამიტომ აღმოვჩნდი იქ, თუმცა ჩვეულებრივ ასე არ ვიქცევი" - განაცხადა ვან გაალმა.

"იუნაიტედი" შაბათს "ოცნების თეატრზე" "კრისტალ პალასს" სტუმრობს და ვან გაალი დარწმუნებულია, რომ მისი ვიზავი, ნეილ უორნოკი ღირსეულ წინააღმდეგობას გაუწევს.

"ვფიქრობ, პრემიერ ლიგაში ნებისმიერი მოწინააღმდეგის დამარცხება რთულია და ეს ვნახეთ კიდეც. ჩვენ 10 თამაშში 13 ქულა გვაქვს და ეს მხოლოდ იმედგაცრუებაა იმისა, რასაც ქომაგი და ჩვენ ველოდით." - დაამატა ვან გაალმა.

წყარო: manutd.com