"მანჩესტერ იუნაიტედმა" გადაწყვიტა ლუიშ ნანი იანვარშივე დააბრუნოს.

27 წლის ფებხურთელს პორტუგალიაში დაბრუნების საშუალება მისცეს და მისი იჯარა "იუნაიტედმა" მარკოს როხოს შესაძენად გამოიყენა.

20 მლნ. ევროსა და ნანის სანაცვლოდ "იუნაიტედმა" "სპორტინგიდან" მარკოს როხო შეიძინა, თუმცა ნანის შესახებ მიღწეული შეთანხმება მხოლოდ იჯარის წესით შედგა და შეთანხმების საფუძველზე პორტუგალიელი ფეხბურთელის ხელფასს "იუნაიტედი" იხდის.

ასეთი გადაწყვეტილება მიღებული იქნა იმის საფუძველზე, რომ ლუი ვან გაალი ნანის ადგილს თავის გეგმებში ვერ ხედავდა, თუმცა როგორც ჩანს ჰოლანდიელმა მწვრთნელმა გადაწყვეტილება შეცვალა.

უკანასკნელ პერიოდში "იუნაიტედი" 4-1-4-1 ტაქტიკაზე გადაერთო, თუმცა გამოკვეთილი ვინგერის როლის შეთავსება მხოლოდ დი მარიას შეუძლია. სწორედ ვინგერის ნაკლებობა გახდა ვან გაალის გადაწყვეტილების შეცვლის მიზეზი.

საიჯარო შეთანხმების ნაადრევი გაწყვეტა შესაძლებელია, თუმცა ამ შემთხვევაში "იუნაიტედს" "სპორტინგისთვის" ნანის შემცვლელისთვის საჭირო თანხისა და როხოს ტრანსფერისთვის გადახდილი 20 მლნ. ევროსთვის გარკვეული ნაწილის დამატება მოუხდება.

წყარო: goal.com