მე გაოცებული და ამავდროულად იმედგაცრუებული ვარ იმ ფაქტით რომ, ჩემი ყოფილი გუნდის გულშემატკივრები გახარებულნი არიან "ჩელსისთან" ფრით და "სიტისთან" უშანსოდ წაგებით. მართალია ამ სეზონში დერბის შედეგი ბევრად რესპექტაბელურია, ვიდრე გასულ სეზონში იყო, მაგრამ პირველ ნახევარი საათი, რომელიც "იუნაიტედმა" ჩაატარა იყო უსუსტესი.

ლუი ვან გაალი საუბრობს პროგრესის შესახებ. სეზონის წინ ვფიქრობდი ამ ეტაპზე "იუნაიტედს" ბევრად კარგი შედეგი ექნებოდა. დევიდ მოიესის გუნდმა გასულ სეზონში 10 მატჩში 17 ქულის მოგროვება მოახერხა, ხოლო ლუი ვან გაალმა იგივე რაოდენობის თამაშებში მხოლოდ 13-ის.

დერბის ძალიან ბევრი განსხვავებული ინტერპრეტაცია იყო, მაგრამ მე თამაში ასე დავინახე: "სიტის" 3 11-მეტრიანი უნდა მიეღო, დaვიდ დე ხეამ რამდენიმე საოცარი სეივი გააკეთა, კრის სმოლინგი გავარდა და "იუნაიტედმა" წააგო.

ძნელი გამოსაცნობია თუ რას ფიქრობს თამაშის დროს ვან გაალი. მისი გამომეტყველება თითქმის უცვლელია. ის ცოტა არ იყოს დასუსტებულად გამოიყურება. ერთი კი დანამდვილებით შემიძლია ვთქვა - მსოფლიოს ჩემპიონატზე სრულიად განსხვავებული ვან გაალი ვიხილეთ.

დაცვაში პრობლემა ზაფხულში უნდა გადაჭრილიყო. ეს არ არის ისე, თითქოს ვან გაალმა არ იცოდა ფილ ჯონსის, კრის სმოლინგის და ჯონი ევანსის "დამოკიებულება" ტრავმების მიმართ. ძალიან მაღალი დონის მცველები - სტივ ბრიუსი, გარი პალისტერი, რიო ფერდინანდი და ნემანია ვიდიჩი - თავის დროზე ძალიან იშვიათად იღებდნენ ტრავმებს. შენ აუცილებლად გჭირდება სტაბილურობა და მობილურობა დაცვის ხაზში.

მე ძალიან ვწუხვარ იმის გამო რომ, "იუნაიედის" ფეხბურთელების ხასიათი და განწყობა პოზიტიური არ არის. ამ კვირას მადრიდში მომიწია გამგზავრება, გადაცემისთვის, მე ვნახე გასული სეზონის მატჩები და ვხედავდი თუ როგორი გახარებული ზეიმობდა გოლებს ანხელ დი მარია, კრიშტიანუ რონალდუსთან ერთად. არ მგონია არგენტინელი ასეთივე ბედნიერი იყოს მანჩესტერში და ეს მთელ გუნდს ეტყობა. მიუხედავად ყველაფრისა მესამე, მეოთხე ადგილი - "ვესტ ჰემისა" და "საუთჰემტონის" დიდი პატივისცემის მიუხედავად - ხელმისაწვდომია.


წყარო: independent.co.uk