ახალ ამბებს "იუნაიტედის" ქომაგთათვის მოსალოდნელი ინფორმაციით დავიწყებთ, რომელიც დაცვის ხაზის გაძლიერებას ეხება.
თუმცა, ტრანსფერი არ ეხება ცენტრალურ მცველს, "მანჩესტერ იუნაიტედი" მადრიდის "რეალის" მარცხენა მცველს, ფაბიო კოენტრაოს ნომერ პირველ სამიზნედ ისახავს.
"იუნაიტედმა" მიმდინარე სეზონში მხოლოდ ორი მცველი შეიძინა მარკოს როხოსა და ლუკ შოუს სახით, მაგრამ კიდევ ერთი შენაძენი დიეგო გოდინი იქნება, რომელიც "იუნაიტედში" გადასვლას დათანხმდა.
"მანჩესტერ იუნაიტედის" კიდევ ერთ სამიზნეს "ბორუსიას" ფეხბურთელი, მარკო როისი წარმოადგენს. გერმანელი ფეხბურთელით "იუნაიტედის" გარდა "ლივერპული", "ჩელსი" და "არსენალიც" ინტერესდება, თუმცა როისი "ბარსელონაში" გადასვლას ამჯობინებს.
"კრუზეიროს" ვარსკვლავი, ევერტონ რიბეირო, რომელიც ასევე "იუნაიტედის" სამიზნე გახლავთ იტალიაში, კერძოდ "იუვენტუსში" ამჯობინებს გადასვლას.
და საბოლოოდ, როგორც მოსალოდნელია "კრისტალ პალასთან" მატჩს რობინ ვან პერსი სათადარიგოთა სკამზე დაიწყებს, რომელსაც ჯეიმს უილსონი ჩაანაცვლებს.