ანდერსონი დარწმუნებულია, რომ მის მანჩესტერულ კარიერაზე დაღის დასმა ჯერ კიდევ ნაადრევია.

გავრცელებული ჭორების თანახმად, "წითელი ეშმაკები" 26 წლის ფეხბურთელთან განშორებას იანვარშივე აპირებენ. თუ კი ანდერსონის ყიდვის მსურველი არ მოიძებნება, "იუნაიტედი" ბრაზილიელს კონტრაქტის მიხედვით დარჩენილ გადასახად თანხას გადაუხდის, რაც 1.4 მლნ. ფუნტს შეადგენს.

თუმცა, "პორტუს" ყოფილ ფეხბურთელს ჯერ კიდევ არ დაუკარგავს ლუი ვან გაალზე შთაბეჭდილების მოხდენის იმედი.

მიუხედავად იმისა, რომ ანდერსონს არც თუ სახარბიელო 7 წელი აქვს გატარებული პრემიერ ლიგაში, ვან გაალისა და მისი ამჟამინდელი ურთიერთობა ბრაზილიელს კლუბში მომავლის იმედის შენარჩუნების საშუალებას აძლევს.

შეგახსენებთ, რომ "იუნაიტედმა" ანდერსონი 2007 წელს შეიძინა. სერ ალექსმა მასში 27 მლნ. ფუნტი გადაიხადა. ანდერსონს "ახალ რონალდინიოდ" მოიხსენიებდნენ, ფერგიუსონი კი მასში პოლ სქოულზის შემცვლელს ხედავდა, თუმცა ამ ვარაუდს გამართლება არ ეწერა.

წყარო: M.E.N.