1986 წლის 6 ნოემბერს ისტორიული ფაქტი მოხდა - სერ ალექს ფერგიუსონმა დაიკავა მწვრთნელის პოსტი "მანჩესტერ იუნაიტედში". შემოგთავაზებთ იმ დღეს The Guardian-ში გამოქვეყნებულ სტატიას.



"გუშინ "მანჩესტერ იუნაიტედმა" დაითხოვა მთავარი მწვრთნელი რონ ატკინსონი, რომელიც გუნდს 1981 წლიდან უძღვებოდა, მასთან ერთად კლუბი დატოვა მისმა ასისტენტმა - მიკ ბრაუნმა. ატკინსონს ალექს ფერგიუსონი შეცვლის, რომელიც "აბერდინის" აწ უკვე ყოფილი თავკაცია.

ფერგიუსონმა, რომელიც შოტლანდიის ეროვნულ გუნდს წვრთნიდა გასულ მუნდიალზე, მექსიკაში, "აბერდინი" აქცია ერთ-ერთ უძლიერეს გუნდად და დაურღვია დიდი ხნის სიმშვიდე ისეთ გუნდებს, როგორებიცაა "სელტიკი" და "რეინჯერსი.

ფერგიუსონმა ასეთი კომენტარი გააკეთა წარდგენისას: "სიტყვებით ვერ გადმოვცემ, როგორი ნაღვლიანი ვარ რადგან ვტოვებ "აბერდინს" 8 წლიანი მოღვაწეობის შემდეგ, მაგრამ შემოთავაზება "ოლდ ტრაფორდისგან" ისეთი რამეა, რომელზეც უარს ვერავინ იტყვის."

ატკინსონი "იუნაიტედში" "ვესტ ბრომიდან" მოვიდა. 5 წლიანი მოღვაწეობის მანძილზე გუნდს არასდროს დაუსრულებია სეზონი ოთხეულის მიღმა უმაღლეს ლიგაში და გახდა ინგლისის თასის მფლობელი 1983, 1985 წლებში, თუმცა ლიგის ტიტულს ატკინსონი ვერ შეწვდა ისევე როგორც სხვა მენეჯერები 1967 წლიდან მოყოლებული.

გასულ სეზონის სტარტზე, "მანჩესტერ იუნაიტედმა" პირველი 11 შეხვედრიდან 10-ში გამარჯვება მოიპოვა და თითქოს ძალიან დიდი განცხადება გააკეთა ჩემპიონობისთვის, თუმცა სეზონის ბოლოს გუნდმა მხოლოდ მეოთხე ადგილი დაიკავა. ამ სეზონში ისინი ისევ მეოთხე პოზიციაზე არიან მაგრამ ბოლოდან, გამართული 13 მატჩიდან მხოლოდ 3 მოგებით. ოთხშაბათს ისინი გამოვარდნენ თასის გათამაშებიდანაც.

მატჩებზე გულშემატკივართა დასწრება მკვეთრად შემცირდა და გუშინ კლუბის გენერალურმა დირეკტორმა მიიღო გადაწყვეტილება ატკინსონის დათხოვნის შესახებ. "მე არ ვარ ნაწყენი"- განაცხადა რონიმ. "ჩვენ მუდმივად გვქონდა ტრავმების პრობლემა, თუმცა ეს არ არის გამართლება".

ატკინსონი გახდა წითლების მე-7 მწვრთნელი მეორე მსოფლიო ომის შემდეგ და ხანგრძლივობის მხრივ მხოლოდ სერ მეტ ბასბის ჩამორჩა, რომელიც გუნდს 1945-1969 წლებში წვრთნიდა.

"იუნაიტედის" გენერალურმა დირეკტორმა, მარტინ ედვარდსმა, განაცხადა, რომ ატკინსონი განთავისუფლებული იქნა გასული 12 თვის მანძილზე ნაჩვენები ცუდი შედეგის გამო. "

სტივენ ბირლი, The Guardian, 6 ნოემბერი, 1986 წელი.

წყარო: carrick.ru