"მანჩესტერ იუნაიტედის" ლეგენდა პეტ კრერანდი თვლის რომ, ლუის ვან გაალი გუნდის შენების სწორ გზას ადგას და თუ კი მას ტრავმები ხელს არ შეუშლის, როგორც ეს ახლა ხდება, ჰოლანდიელი დასახულ მიზანს მიაღწევს.

წითლებმა ბოლო ორ შეხვედრაში მხოლოდ 1 ქულის აღება მოახერხეს, "ჩელსისთან" 1-1 და საგარეო მარცხი "სიტისთან" 1-0, თუმცა პეტის აზრით საბრძოლო განწყობა და ხასიათი რომელიც "იუნაიტედის" ფეხბურთელებმა გამოავლინეს ხაზს უსვამს იმას რომ, ჰოლანდიელს გუნდი სწორი მიმართულებით მიჰყავს.

"თუკი გუნდი ტრავმებისგან განთავისუფლდება და მწვრთნელსაც სასურველი შემადგენლობის დაყენებაში ხელი არ შეეშლება, ეს შედეგებში დიდ განსხვავებას მოგვცემს."- განაცხადა პეტმა ManUtd.com-თან ინტერვიუში "მოხიბლული ვარ "ჩელსის" თამაშით პრემიერ ლიგაში, მაგრამ ევროპის ტურნირებზე მონაწილეობამ შესაძლოა აზარალოს ტოპ-კლუბები, რაც ჩვენთვის დიდი უპირატესობაა.

ჩვენ ძალიან გვსურს ჩემპიონთა ლიგაზე თამაში და ჩვენ აუცილებლად ვითამაშებთ, ეს ერთ-ერთი უმთავრესი მიზანია ამ სეზონში. გულშემატკივართა უმეტესობა გაცილებით მეტს ელოდა გუნდისგან, მაგრამ ტრავმებმა და მოთამაშეთა არყოფნამ შეუშალა ხელი ამ ყველაფერს. საჭიროა ყველა დაბრუნდეს და აი უკვე მაშინ "იუნაიტედს" შეეძლება დიდი "გაქცევა" მოაწყოს და ზედიზედ მოიგოს ძალიან ბევრი მატჩი, დარწმუნებული ვარ ჩვენ ამის მომსწრენი გავხდებით.

ეს სრულებით ახალი გუნდია, ახალი ფეხბურთელებით, რომლებიც ყოველ დღე უფრო ახლოს იცნობენ ერთმანეთს. შესაძლოა ვინმემ თქვას რომ, ევრო ტურნირების გარეშე შენ მეტი დრო გაქვს ფეხბურთელებს შორის კომუნიკაცია ჩამოაყალიბო, მაგრამ რაც ნაკლები მატჩი გაქვს მით ნაკლებია შანსი.

ასევე შეთანმებისთვის საჭიროა ფეხბურთელებმა ერთად ბევრჯერ ივარჯიშონ და ითამაშონ, მაგრამ ტრავმების გამო "იუნაიტედს" ამის საშუალება არ ეძლევა. მიუხედავად ამ ყველაფრისა მათ თამაშში მაინც ჩანს პოზიტივი. მე გაოცებული ვიყავი დერბიში "ეშმაკების" პერფორმანსით, მიუხედავად იმისა რომ ისინი კაცნაკლულები იყვნენ.

დარწმუნებული ვარ სეზონის ბოლოს ყველანი გახარებულები ვიქნებით შედეგით." -დაასრულა კრერანდმა.


წყარო: manutd.com