მიუხედავად იმისა, რომ სტროოტმანისადმი "მანჩესტერ იუნაიტედის" ინტერესის შესახებ სპეკულაციები ვრცელდება, კევინი კლუბის გამოცვლას არ აპირებს.
მას შემდეგ, რაც ლუი ვან გაალი "იუნაიტედის" სათავეში ჩადგა, 24 წლის ნახევარმცველის სახელს ძლიერ უკავშირებენ "იუნაიტედს."
"თავს სულ უფრო და უფრო უკეთ ვგრძნობ. ახლა "რომასთან" ერთად ვვარჯიშობ და ძალიან ბედნიერი ვარ. მინდა კლუბს დახმარება გავუწიო და რაც შეიძლება მალე ვითამაშო" - განაცხადა სტროოტმანმა.
კევინს სერია ა-ს გათამაშებაში მარტის შემდეგ არ მიუღია მონაწილეობა. მან მუხლის ტრავმა მიიღო, რაც მსოფლიო ჩემპიონატის გამოტოვების მიზეზიც გახდა.
"იუნაიტედი" აპირებს მოიცადოს, სანამ ნათელი გახდება, თუ როგორ აღიდგენს ფორმას კევინი ტრავმის შემდეგ და მხოლოდ ამის შემდეგ იქნება გაკეთებული შეთავაზება.