ახალ ამბებს დავიწყებთ იმით, რომ შესაძლოა "მანჩესტერ იუნაიტედმა" რადამელ ფალკაო არ შეიძინოს.
"მონაკოდან" "იუნაიტედში" იჯარის წესით გადასვლის შემდეგ კოლუმბიელმა მხოლოდ ერთი გოლის გატანა მოახერხა და მისი ფიზიკური მდგომარეობა ვან გაალის დაეჭვებას იწვევს, რაც შესაძლოა ფალკაოს არ შეძენის მიზეზი გახდეს.
იანვარში მცველის შეძენაც არის შესაძლებელი.
ლუი ვან გაალის ყურადღება "ასტონ ვილას" ცენტრალურმა მცველმა, რონი ვლაარმა მიიპყრო, რომელსაც ლუი მსოფლიო ჩემპიონატის შემდეგ კარგად იცნობს.
რა თქმა უნდა "იუნაიტედის" ქომაგთათვის მხოლოდ კარგი ამბები არ ვრცელდება.
მადრიდის "რეალი" დავიდ დე ხეათი ჯერ კიდევ ინტერესდება, რამეთუ მადრიდულ კლუბს იკერ კასილასის შემცველის პოვნა სურს.
"იუნაიტედს" კი შეეძლება დე ხეას ტრანსფერი რამდენიმე მადრიდელი ფეხბურთელის შეძენაში გამოიყენოს.
სამი ხედირა და ასიერ ილიარამენდი როგორც ჩანს "რეალში" დიდ სათამაშო დროს ვერ მიიღებენ, რის გამოც მათი "იუნაიტედში" გადასვლა უფრო სარწმუნო იქნება, რამეთუ ინგლისური კლუბი ნახევარდაცვის პრობლემებსაც განიცდის.