პრემიერ ლიგის ტიტულისთვის მებრძოლი გუნდების წინააღმდეგ ნაჩვენები კარგი თამაშის საფუძველზე მაიკლ კერიკი მიიჩნევს, რომ ლუი ვან გაალის ხელმძღვანელობის ქვეშ "მანჩესტერ იუნაიტედს" წარმატებული წელი ექნება.

"როცა დაგროვებულ ქულებს ვუყურებთ, იმედგაცრუებულნი ვრჩებით მათი რაოდენობით. ეს არ არის საკმარისად კარგი იმისთვის, სადაც გვინდა, რომ ვიმყოფებოდეთ. მაგრამ თუ ჩაუღრმავდებით, აუცილებლად შეამჩნევთ ნიშნებს იმისა, რომ ჩვენ ჯერ კიდევ გვაქვს წარმატებული წლისა და წარმატებული სეზონის ჩატარების საშუალება."

"მხოლოდ მცირედი რამ არ მიმდინარეობს ჩვენს სასარგებლოდ და მცირე შეცდომებს ვუშვებთ, მაგრამ საერთო ჯამში ისეთი შეგრძნება გვრჩება, რომ წარმატების მისაღწევად სწორად ვვითარდებით და მივაღწევთ კიდეც - ეს მხოლოდ დროის საკითხია. რა თქმა უნდა დიდებული სტარტი არ გამოგვივიდა, მაგრამ განწყობა უკეთესი გვაქვს. იმედი მაქვს, ამას მომდევნო კვირებში ვაჩვენებთ."

როცა ჰკითხეს, თუ რატომ მიაჩნია, რომ "წითლები" წარმატებას მიაღწევენ, კერიკმა უპასუხა: "ვფიქრობ, ასეთი შეგრძნება ყოველთვის გაქვს, როცა ისეთ გუნდში თამაშობ, რომელშიც მე ვარ წლების განმავლობაში."

"გვჯერა, რომ სწორი მიმართულებით მივდივართ და სასურველი მდგომარეობიდან შორს არ ვიმყოფებით. ეს მხოლოდ პატარა რამაა. პატარა რამ, რომელიც დიდ სხვაობას იძლევა. ქულები ითვლება. ნამდვილად გვაქვს შეგრძნება იმისა, რომ რაღაც განსაკუთრებულის გაკეთება შეგვიძლია."

კერიკს სჯერა, რომ "იუნაიტედი" "სიტისა" და "ჩელსის" სათამაშო დონით დიდად არ ჩამორჩება.

"ჩვენ ორივე მათგანს ვეთამაშეთ და ქულები სულაც არ ნიშნავს, რომ მათ დონეზე არ ვდგავართ. მაგრამ თუ ღრმად შეხედავთ, წინა კვირაში ვგრძნობდით, რომ ჩვენ სამ ქულას ვიმსახურებდით. თუმცა, ამას არ აქვს მნიშვნელობა, მათაც შეუძლიათ იგივე თქვან. "სიტის" წინააღმდეგ კი ვგრძნობდით, რომ უფრო მეტს ვიმსახურებდით."

"მაგრამ ჩვენ საკმაოდ გამოცდილები ვართ იმისთვის, რომ ვიცოდეთ - შენ ქულების მიხედვით გასამართლებენ. ჩვეულებრივია კარგისა და დადებითის შესახებ საუბარი, მაგრამ შობის კვირის წინ გვინდა კარგ მდგომარეობაში ვიმყოფებოდეთ."

წყარო: manutd.com