"იუნაიტედის" ახალგაზრდა შემტევმა, ჯეიმს უილსონმა განაცხადა, რომ კრიშტიანუ რონალდუ, მაიკლ ოუენი, უეინ რუნი და რუუდ ვან ნისტელროი მისი ფავორიტი ფეხბურთელების სიაში შედიან.

18 წლის ფეხბურთელმა, რომელიც ლუი ვან გაალის გუნდში გარკვეულ სათამაშო დროს იღებს, ორშაბათს ღამით "ლესტერის" 21 წლამდელთა გუნდის წინააღმდეგ სეზონის მეექვსე გოლი გაიტანა დუბლების დონეზე.

ბიდალფში დაბადებულ ფეხბურთელს "იუნაიტედისადმი" და მისი ფეხბურთელებისადმი დიდი ხანია აქვს სიმპათიები და ამას არც მალავს.

"უეინი "ევერტონში" მაშინ გამოჩნდა, როცა იგი 16 თუ 17 წლის იყო, ზუსტად ისე, როგორც მე მქონდა დებიუტი პირველ გუნდში."

"შემდეგ მან რეგულარული სათამაშო დრო მიიღო, რამაც ჩემი მოხიბლვა გამოიწვია."

"მას გაჰქონდა საჯარიმოდან, პენალტის ნიშნულიდან, საჯარიმოს გარედან, თავურით. ის ყველაფერს აკეთებდა."

უილსონმა ისიც აღიარა, რომ საკუთარ თამაშს ოუენის სტილზე აგებს: "თავის დროზე იგი ძალიან სწრაფი იყო და ასეთი რამ მეც მახასიათებს."

"ის შესანიშნავი გოლეადორი იყო, თუმცა საჯარიმოში. ვან ნისტელროი ოუენს ჰგავდა, რადგან ისიც მუდამ საჯარიმოში იმყოფებოდა."

"არამგონია, მას ბევრი გოლი გაეტანა საჯარიმოს გარედან, მაგრამ ის მუდამ საჯარიმოში იყო ჩაწოდებებისა თუ წართმევისთვის."

მიუხედავად იმისა, რომ "იუნაიტედის" რიგებში რონალდუ ვინგერად თამაშობდა, პორტუგალიელს თავისი ადგილი უჭირავს უილსონის სიაში.

"ჩემი ზრდის პერიოდში მან "იუნაიტედის" რიგებში უამრავი გოლის გატანა მოახერხა."

"სულ უფრო ახლოს ვიმყოფებოდი იმავე გუნდში სათამაშოდ, სადაც ის გამოდიოდა, მაგრამ საკმაოდ ვერ ვიჩქარე იმისთვის, რომ იქ მოვხვედრილიყავი."

უილსონის სიის ერთ-ერთი წევრი კი "იუნაიტედისთვის" არც თუ სასიამოვნო თავდამსხმელი გახლავთ.

"ტიერი ანრი "არსენალში" დიდი ხნის განმავლობაში თამაშობდა, შემდეგ კი კარიერა ამერიკაში დაამთავრა."

"ის იმდენად დიდებული თავდამსხმელია, რომ ნებისმიერ გუნდში შეუძლია თამაში. სასიამოვნო იყო მისი გოლების ხილვა, მიუხედავად იმისა, რომ რამდენიმე "იუნაიტედსაც" გაუტანა."

წყარო: M.E.N.