ხავიერ ერნანდესმა განაცხადა, რომ იჯარის ამოწურვის შემდეგ მადრიდის "რეალში" დარჩენა სურს.
ლუი ვან გაალმა ჩიჩარიტოს სამსახურზე უარი თქვა, რამეთუ მან შეტევაში ფალკაოს, პერსის, რუნისა და ახალგაზრდა უილსონის იმედზე ყოფნა ამჯობინა. მექსიკელი კი ერთ წელს იჯარის წესით "რეალში" გაატარებს.
ესპანელთა რიგებში ჩატარებულ 7 შეხვედრაში ერნანდესმა 4 გოლის გატანა მოახერხა და მიუხედავად იმისა, რომ გუნდში დიდი კონკურენციაა, მექსიკელი იჯარის გაგრძელებას ამჯობინებს.
"ისინი ფიქრობდნენ, რომ "იუნაიტედისთვის" სარგებლის მოტანა აღარ შემეძლო, ამიტომ შეთახნმების საფუძველზე წასვლა მომიხდა."
"ეს რთული იყო და მიუხედავად იმისა, რომ რამდენიმე გუნდისგან მქონდა შემოთავაზება, "რეალის" ვარიანტს მაშინვე დავთანხმდი, როგორც კი ამის შესაძლებლობა მომეცა."
"სათამაშო დროის მხრივ ეს ყველაზე გამომცდელი შემოთავაზება იყო დანარჩენებთან შედარებით, მაგრამ სწორედ ასეთი გამოცდები მიზიდავს და სწორედ ამიტომ ვიბრძვი."
"მე აქ მოხვედრაზე ვოცნებობდი. მე მაქვს ნიჭი და ვიმუშავებ ბეჯითად, რათა გუნდის სრულფასოვანი წევრი გავხდე. "