როგორც The Telegraph იტყობინება, "მანჩესტერ იუნაიტედმა" შესაძლოა ბრაზილიელ ნახევარმცველს კონტრაქტი გაუწყვიტოს, იმ შემთხვევაში თუ ზამთარში მის მიმართ არანაირი შემოთავაზება არ იქნება.

ანდერსონს, რომელიც თავის დროზე პორტუგალიური "პორტუდან" 26 მილიონ ფუნტად გადმოიბირეს, შექმნილი სიტუაციის შესახებ თავად ლუი ვან გაალმა შეატყობინა, რომელიც ბრაზილიელით კმაყოფილი ნამდვილად არაა.

მიუხედავად იმისა, რომ "იუნაიტედმა" საჯაროდ გამოხატა ანდერსონის გაყიდვის სურვილი, არავინ გამოჩნდა, ვინც ბრაზილიელის თავის გუნდში ყოფნას ისურვებდა. ამიტომ კლუბი სერიოზულად განიხილავს კონტრაქტის გაწყვეტის საკითხს, რომლის მიხედვითაც ანდერსონი 1,4 მილიონს მიიღებს.

წითლებს ანდერსონის "მოშორებაში" ვერც არენდი დაეხმარა, რადგან იტალიურმა "ფიორენტინამ" ფეხბურთელი უკან დააბრუნა და გამოსყიდვაზე უარი განაცხადა.

თუკი "იუნაიტედი" გადაწყვეტს და გაუწყვეტს კონტრაქტს ბრაზილიელს, ეს არ იქნება პირველი შემთხვევა კლუბის ისტორიაში. ასევე მოექცნენ "ეშმაკები" ფრანგ მეკარეს - ფაბიენ ბარტეზს, რომელსაც კომპენსაციის სახით 5 მილიონი გადაუხადეს, 2004 წელს.


წყარო:telegraph.co.uk