"მანჩესტერ იუნაიტედი" ამ სეზონში "გატეხილი" გუნდის შთაბეჭდილებას ტოვებს, თუმცა ეს არცაა გასაკვირი, თუ გუნდის ტრავმირებულთა რიცხვს გადავხედავთ.

ბოლო მატჩში, სადაც "იუნაიტედი" "სიტისთან" მინიმალური ანგარიშით დამარცხდა, ტრავმა მიიღო მარკოს როხომ, ეს კი გუნდისთვის მიმდინარე სეზონში 35-ე ტრავმა აღმოჩნდა.

გუნდში ჯერ კიდევ არ დაბრუნებულან რადამელ ფალკაო და ფილ ჯონსი, რომლებიც ძირითადი თერთმეტეულის ფეხბურთელად მოიაზრებიან.

გასულ მატჩში ვან გაალს როხოს ჩანაცვლება კერიკით მოუწია, რომელმაც ასევე წინა-სასეზონო ტურნეზე მიღებული ტრავმის გამო 6 თვე გააცდინა.

ფეხბურთელების ასეთმა ტრავმიანობამ კი საბოლოოდ ის გამოიწვია, რომ "იუნაიტედმა" 1986 წლის შემდეგ სეზონის ყველაზე ცუდი სტარტი აიღო.

ვან გაალის ვარჯიშის მეთოდები ყველასთვის კარგად ნაცნობია, მას შემდეგ რაც 63 წლის სპეციალისტი "იუნაიტედს" ჩაუდგა სათავეში, ის ორმაგ სავარჯიშო სესიებს ატარებს, რათა ფეხბურთელები მისთვის სასურველ ფიზიკურ კონდიციებამდე მიიყვანოს.

გაორმაგებული სესიები გახდა იმის მიზეზი, რომ გუნდს სეზონის დასაწყიში ინგლისელი მცველი, ლუკ შოუ დააკლდა.

"ოლდ ტრაფორდზე" მოსვლიდან პირველივე დღეს, ჰოლანდიელმა დაიწუნა Aon-ის სავარჯიშო ბაზა და განაცხადა, რომ სავარჯიშო აღჭურვილობას გაუმჯებესება სჭირდებოდა.

ასევე გუნდში მოსვლის შემდეგ მან ღია სავარჯიშო ბაზის გარშემო მეტი ხის დარგვა მოისურვა.

"მე მოვითხოვე, რომ გარშემო მეტი ხე დაერგათ, რადგან ეს ღია ადგილია და თითქმის სულ ქარია, რაც ფეხბურთელებისთვის სასარგებლო არ არის. ქარიან ამინდში ბურთი მიმართულებას იცვლის და ეს ვარჯიშის ხელს უშლის."

როგორც მოგეხსენებათ კარინგტონის კომპლექსი ლეგენდარული სერ ალექს ფერგიუსონის მოთხოვნის შესაბამისად იყო აშენებული, თუმცა ვან გაალმა ფეხბურთელებისთვის განსხვავებული ატმოსფერო მოითხოვა.

ჰოლანდიელმა სავარჯიშო ბაზის ორი მოედანი, რომელთაც სინთეტიკური ბალახის საფარი ჰქონდა გადააკეთებინა და მის მაგივრად "დესოს" ნახევრად ხელოვნური საფარი დააგებინა.

როგორც სეზონის დასაწყისმა გვაჩვენა ვან გაალის მეთოდები ჯერ არ ამართლებს რადგან ფეხბურთელთა დიდი ნაწილი ხშირად იღებს ტრავმას და ამჟამად გუნდს 7 ფეხბურთელი ყავს ლაზარეთში - მათ შორის არიან ჯონი ევანსი და რადამელ ფალკაო, რომლებიც სავარაუდოდ შემდეგი მატჩისთვის მზად იქნებიან.

წყარო: DailyMail