ადრიენ რაბიომ "პარიზ სენ-ჟერმენთან" ახალი კონტრაქტი გააფორმა. ადრიენი "რომას" კევინ სტროოტმანის ალტერნატივად მიაჩნდა, რომელიც შესაძლოა "იუნაიტედში" გადავიდეს.

სერია ა-ს კლუბი რაბიოს გაფორმების იმედს არ კარგავდა, რადგან "რომას" ნახევარდაცვის წამყვანი ფეხბურთელი შესაძლოა ინგლისურ გრანდს შეუერთდეს.

სტროოტმანს მომდევნო უქმეებზე შეუძლია "ჯიალაროსის" შემადგენლობაში მიმდინარე სეზონის სადებიუტო შეხვედრა ჩაატაროს. მუხლის ტრავმის გამო კევინს 7 კვირა არ უთამაშია.

კიდევ ერთი დღე და "იუნაიტედს" "ბენფიკას" კიდევ ერთ ფეხბურთელს უკავშირებენ.

ენცო პერესი, რომელიც მსოფლიო ჩემპიონატზე წარმატებულად თამაშობდა არგენტინის ნაკრების რიგებში, "იუნაიტედის" ხელმძღვანელობის ყურადღებას იქცევს და "წითლები" მზად არიან 28 წლის ნახევარმცველის გადაბირება სცადონ.

ერთ-ერთი ყველაზე უსუსური ჭორი: თურქულმა "ფენერბაჰჩემ" "იუნაიტედს" რობინ ვან პერსის ხელმისაწვდომობის საკითხზე მიმართა.

31 წლის ფეხბურთელი მიმდინარე სეზონში ნამდვილად არ იმყოფება საუკეთესო ფორმაში.

ჰოლანდიელ ფეხბურთელს "იუნაიტედთან" 2 წლიანი კონტრაქტი აკავშირებს, თუმცა ვან გაალისა და მისი ურთიერთობა ფეხბურთელის წასვლის ალბათობას ამცირებს.

წყარო: M.E.N.