"მანჩესტერ სიტის" მცველი, პაბლო საბალეტა თავისი გუნდის თამაშით კმაყოფილია, რადგან მისი აზრით "იუნაიტედის" "საუკეთესო ფეხბურთელის" შეჩერება მოახერხეს.
მეორე ტაიმში დი მარიამ ერთხელ დაარტყა ჯო ჰარტის კარის მიმართულებით და ერთი სახიფათო მომენტი შეუქმნა მარუან ფელაინის. დანარჩენ შემთხვევაში კი ანხელი დიდად არაფრით გამოირჩეოდა.
საბალეტა კი ამას თანაგუნდელების დამსახურებად თვლის.
"ვფიქრობ, შეუმჩნეველი იყო. კვირის განმავლობაში ვთქვი, რომ "იუნაიტედის"ამჟამინდელ შემადგენლობაში სწორედ ის იყო საუკეთესო ფეხბურთელი."
"ის არის ფეხბურთელი, რომელსაც მატჩის ბედის გადაწყვეტა შეუძლია, მაგრამ ვფიქრობ, ჩვენ მისი შეჩერება შევძელით."
"კლიში შესანიშნავად მოქმედებდა მის წინააღმდეგ მეორე ტაიმში. პირველ ტაიმში მე ვთამაშობდი მის წინააღმდეგ და ვფიქრობ, დაცვაში საიმედონი ვიყავით." - განაცხადა საბალეტამ.