მსაჯმა შეხვედრა ჩააფლავა



მატჩის დასაწყისში, როცა საკამათო ეპიზოდში მსაჯმა "იუნაიტედისთვის" სასარგებლო გადაწყვეტილება მიიღო, "სიტის" ქომაგთა მხარემ YSB-ს სკანდირება დაიწყო. რამდენიმე წუთში, როცა მსაჯმა უკვე "სიტისთვის" სასარგებლო გადაწყვეტილება მიიღო, YSB-ს სკანდირება "იუნაიტედის" ქომაგთა მხარემ დაიწყო.

მაგრამ ეს ყველაფერი არ არის.

სმოლინგის პირველ ყვითელ ბარათს საფუძველი არ ჰქონდა.

ამონარიდი წესებიდან:

წესი 12 - დარღვევა და არასწორი ქმედება

საწინააღმდეგო გუნდის სასარგებლოდ თავისუფალი დარტყმა ინიშნება იმ შემთხვევაში, თუ ფეხბურთელი მსაჯის აზრით შემდეგი ეპიზოდიდან ერთ-ერთშია დამნაშავე:

- მოწინააღმდეგესთან სახიფათოდ თამაშობს.
- ხელს უშლის მოწინააღმდეგის გადაადგილებას.
- ხელს უშლის მეკარეს ხელით ბურთის თამაშში შეყვანაში.
- ჩაიდენს ნებისმიერ სხვა დარღვევას, რომელიც 12-ე წესით არ არის გათვალისწინებული, მაგრამ მსაჯი თამაშს ფეხბურთელის გაფრთხილების ან გაძევების გამო აჩერებს.

ფეხბურთელს ეძლევა ყვითელი ბარათი, თუ იგი არღვევს შემდეგ წესებს:

- მოქმედებს არასპორტულად.
- სიტყვებით, ან მოქმედებებით მსაჯთან უთანხომებას გამოხატავს.
- სისტემატურად არღვევს თამაშის წესებს.
- წელავს მატჩის განახლებას.
- არღვევს მანძილის წესს საჯარიმოს, კუთხურის ან თავისუფალი დარტყმის დროს.
- გამოდის ან შედის მოედანზე მსაჯის ნებართვის გარეშე.
- ტოვებს მოედანს მსაჯის ნებართვის გარეშე.

"თავდამსხმელს აქვს ფართო შესაძლებლობა იმისა, რომ მეკარეს მოქმედებაში, მიწიდან ბურთის შეყვანაში ან ხელიდან ბურთის თამაშში შეყვანაში ხელი შეუშალოს. მიზანი ორია: ერთის მხრივ - მეკარისთვის ბურთის წართმევა, მეორეს მხრივ - მეკარის მიერ მოედანზე ბურთის დარტყმის ტრაექტორიისთვის ხელის შეშლა."

მოედნის ფეხბურთელმა უნდა იცოდეს, რომ მეკარე ვალდებულია მეოთხე ნაბიჯის შემდეგ ბურთი მიწაზე დარტყმით თამაშში შეიყვანოს. რამდენიმე ათეული წამის შემდეგ მეკარე ბურთზე კონტროლს კარგავს. როგორ უნდა მოიქცეს ამ დროს თავდამსხმელი? ყურადღების მიქცევის გარეშე უნდა შეარჩიოს პოზიცია მეკარის მახლობლად და პერიფერული ხედვის დახმარებით თვალი უნდა ადევნოს როგორც ბურთს, ისე მეკარეს. იმ მომენტში, როცა მეკარე ბურთს ხელიდან უშვებს, თავდამსხმელი ნახტომით უნდა აღმოჩნდეს მეკარესთან და ბურთის წართმევა სცადოს. როგორც წესი, მეკარე ასეთ "აგრესიას" არ ელოდება. უფრო მართებული იქნება, თუ თავდამსხმელი მეკარესთან ერთად ირბენს და როცა ის ბურთს მიწაზე დაუშვებს, თავდამსხმელმა საჭირო დროს უნდა სცადოს ბურთის წართმევა.

ასე იყო "სიტის" ფეხბურთელების შემთხვევაშიც, როცა ისინი ბარათებს იმსახურებდნენ. ყვითელი საბალეტასა და იოვეტიჩს, ხოლო წითელი ჯო ჰარტს.



ეს ერთის მხრივ.

მეორეს მრხივ, "იუნაიტედის" კარში ორი პენალტი არ დაინიშნა. კიდევ ერთ ეპიზოდში, როცა როხომ იაია ტურეს წაართვა ბურთი, არგენტინელმა ბურთზე ითამაშა.

ორივე მხარეს აქვს მსაჯისთვის პრეტენზიის წაყენების საფუძველი. მსაჯობა დაბალი ხარისხის იყო.

YSB

სმოლინგმა გუნდი დააღალატა



უსამართლოდ მიღებულ ყვითელ ბარათზე შეგვიძლია დაუსრულებლად ვისაუბროთ, მაგრამ როცა გაფრთიხლება გაქვს, რატომ უნდა ჩაუვარდე მოწინააღმდეგეს ფეხებში მაშინ, როცა შეტევა ფლანგიდან ვითარდება და საგოლე ეპიზოდი ჯერ შექმნილი არ არის?

სმოლინგის შემთხვევაზე კომენტირებისას ლუი ვან გაალმა სმოლინგის მიერ მიღებულ მეორე ბარათს "სულელური და დაუშვებელი უწოდა".

ერთ მატჩში დაცვის ხაზის სამი ვარიანტი



რამდენიმე ხნის განმავლობაში პირველად მოხდა ისე, რომ წინა შეხვედრის დაცვის ხაზი იდგა. თუმცა, როხოსა და სმოლინგის დუეტი ჯერ კერიკისა და როხოს დუეტად გადაიქცა, ხოლო შემდეგ მაკნეირისა და კერიკის დუეტად.

"კრისტალ პალასსა" და "არსენალთან" ლუი ვან გაალის განკარგულებაში შემდეგი ცენტრალური მცველები იქნებიან: ბლეკეტი, მაკნეირი, კერიკი. მარჯვნიდან ვალენსია, მარცხნიდან შოუ, ხოლო თუ საჭირო იქნება ბლინდი.

"იუნაიტედმა" მოედნის ცენტრი დათმო



მსაჯობისა და დაცვის ხაზის შესახებ საუბრები აქტუალურია, მაგრამ არ შეიძლება არ აღვნიშნოთ ის ფაქტი, რომ ფელაინისა და ბლინდის დუეტმა (რუნის დახმარების თანხლებით) ტურესთან და ფერნანდოსთან ბრძოლა წააგეს. მიმდინარე სეზონში იაია ტურეს ხშირად აკრიტიკებენ, მაგრამ ნუ ავირევით. ტურეს პრობლემა მდგომარეობს იმაში, რომ იგი ჩაგდებულ თამაშებს მაღალ დონეზე ჩატარებულ მატჩებს ანაცვლებს და პირიქით. "იუნაიტედის" ქომაგთა სამხწუხაროდ იაია მოწოდების სიმაღლზე იყო. უნდა შევაქოთ ფერნანდოც.

ვან გაალის გუნდი არ ნებდება.



დიახ, ვიღაც იტყვის, რომ "სიტიმ" თავად დათმო ინიციატივა და კარს მიეჯაჭვა. მაგრამ, ნუ დავაკნინებთ "იუნაიტედის" მცდელობას. მიუხედავად იმისა, რომ გუნდიც და ინდივიდუალური ფეხბურთელებიც საკუთარ დონეზე დაბლა იდგნენ, "იუნაიტედი" წინ მიიწევდა და სიტუაციის გამოსწორებას ცდილობდა.

შეგიძლიათ დი მარიას გაუფრთხილებელი გადაცემები, შოუსა და ვალენსიას უაზრო ჩართვები და სხვადასხვა რამ აკრიტიკოთ, მაგრამ იმის არ აღნიშვნა, რომ გუნდს საკუთარი თავის სჯერა, არ შეიძლება.

წყარო: carrick.ru