"მანჩესტერ იუნაიტედის" მთავარი მწვრთნელი, ლუი ვან გაალი მარუან ფელაინის იცავს, რომელსაც მანჩესტერულ დერბიში სერხიო აგუეროსთვის შეფურთხება დააბრალეს.
დერბის დასრულების შემდეგ სოციალურ ქსელში გაჩნდა ფელაინის უკმაყოფილების გამომხატველი ვიდეო და ფოტოები. მარუანი სერხიო აგუეროს მისამართით არასპორტული ჟესტით გამოირჩა, რისი მიზეზიც არგენტინელის მიერ პენალტის პროვოცირება გახდა.
კადრებში ჩანს, თითქოს ფელაინი აგუეროს აფურთხებს, მაგრამ ვან გაალი ამაში დანაშაულს ვერ ხედავს.
"დავინახე, რომ სოციალურ ქსელში ამაზე დიდი ამბავი ატყდა, მაგრამ ტელევიზორშიც კი აჩვენეს, რომ მარუანი აგუეროს უყვირის. ხანდახან კი, როცა ყვირიხარ ნერწყვს ღვრი. არამგონია, რომ მას გააზრებულად შეეფურთხებინოს." - განაცხადა ვან გაალმა.