"მანჩესტერ იუნაიტედის" სათადარიგო მეკარეს, ანდერს ლინდეგაარდს "ბენფიკაში" გადასვლის შანსი აქვს.

ანდერსი "ოლდ ტრაფორდზე" 2010 წლიდან იმყოფება, თუმცა გასულ სეზონში მხოლოდ 1 თამაშის ჩატარება მოახერხა, ხოლო მიმდინარე სეზონში არც ერთის.

"იუნაიტედის" ნომერ პირველი მეკარე დავიდ დე ხეა გახლავთ, რომლის სტატუსში დაეჭვების არავითარი საფუძველი არ არსებობს.

daily star-ის ცნობით, დანიელ კიპერს "ბენფიკა" აკვირდება, რომელიც ანდერსით ზაფხულშივე დაინტერესდა.

"წითელ ეშმაკებთან" მოქმედი კონტრაქტი ლინდეგაარდს მიმდინარე სეზონის დასასრულს ეწურება.

დანამდვილებით შეგვიძლია ვთქვათ, რომ "იუნაიტედთან" ერთად ვიქტორ ვალდესი ვარჯიშობს, რომლის გაფორმებას ვან გაალი არ გამორიცხავს.

წყაროს ცნობით, "იუნაიტედი" ლინდეგაარდის გაშვების წინააღმდეგი არ არის, ხოლო ვალდესის გაფორმება კი ანდერსისთვის მხოლოდ ბიძგის მიმცემი იქნება.

წყარო: fapl.ru