მიუხედავად გუშინდელ მატჩში ნაჩვენები შედეგისა, სადაც "იუნაიტედმა" 1-0 დათმო დერბი, წითლების კაპიტანი მოხარულია იმით, რომ გუნდი არ დანებდა და ბოლომდე იბრძოლა 10 კაცითაც.
კრის სმოლინგმა წითელი ბარათი დაიმსახურა მას შემდეგ რაც 8 წუთის ინტერვალში ორი ყვითელი გამოსტყუა მატჩის არბიტრს. ინციდენტიდან ნახევარი საათის შემდეგ სერხიო აგუერო შეხვედრის ერთადერთი გოლის ავტორი გახდა, თუმცა კაცნაკლულ "იუნაიტედს" ყურები არ ჩამოუყრია და შეტევაში გადავიდა.
"ჩვენ შევუტიეთ კარგად და ასევე თავსაც კარგად ვიცავდით, გაშვებული გოლის შემდეგ"- განუცხადა უეინმა MUTV-ს." მე ვფიქრობ მატჩის უმეტესი ნაწილი მეტოქეზე უკეთ ჩავატარეთ. ჩვენ ბურთზე კონტროლი დავაწესეთ კაცნაკლულებმა და შევქმენით რამდენიმე კარგი შანსი.
ძალიან დამწუხრებულები ვართ, რადგან თამაშიდან ვერაფერი მივიღეთ და სახლში 0 ქულით ვბრუნდებით. "
სმოლინგის წითელ ბარათზე რუნიმ თქვა, რომ კრისი ამ შეცდომაზე ისწავლის.
"კრისი ძალიან გულგატეხილია. ეს ასეც ხდება, როდესაც მატჩს ნაადრევად ტოვებ, მითუმეტეს დერბიში და ასე მცირე დროის შემდეგ. დარწმუნებული ვარ, იგი ისწავლის ამ ფაქტიდან ბევრს."
რუნიმ აღნიშნა, რომ ბევრი დადებითი შეინიშნებოდა გუნდის თამაშში.
"ჩვენ სწორი გზით მივდივართ. ჩვენ ყოველ შეხვედრაში ვპროგრესირებთ და ვთამაშობთ ლამაზ ფეხბურთს. უბრალოდ ეს უნდა გადავაქციოთ შედეგში და მე დარწმუნებული ვარ, ჩვენ ამას მოვახერებთ, თუ გავაგრძელებთ შრომას. გავაგრძელებთ სწავლას და იმის კეთებას, რასაც მენეჯერი ითხოვს ჩვენგან."