მიმდინარე სეზონში "იუნაიტედის" ყველა მატჩის ნახვის შემდეგ, შემიძლია დანამდვილებით ვთქვა რომ გუნდი მატჩიდან, მატჩამდე უკეთესი ხდება - ლუი ვან გაალის ნამუშევარი თვალნათლივ ჩანს. ლონდონელებთან ჩატარებული მატჩი, უდავოდ ყველაზე რთული გამოცდა იყო მათთვის. დაფიქსირებული ფრე კი სრულიად სამართლიანია და არც ერთი მხარე დარჩენილა შედეგით უკმაყოფილო.

"იუნაიტედმა" ძალიან კარგად ითამაშა, ჩანს რომ მათ დაიბრუნეს თავდაჯერება. თუმცა ჩემი აზრით ხუან მატამ და ადნან იანუზაიმ არცთუ კარგი მატჩი ჩაატარეს. ისინი ძალიან ბევრ დროს ხარჯავდნენ გადაწყვეტილების მისაღებად, ბურთს 5-6 ჯერ ეხებოდნენ და მხოლოდ ამის შემდეგ აგრძელებდნენ შეტევას. ეს იყო ნელი, მძიმე ქმედებები. თუკი შეადარებთ მათ თამაშს მადრიდის "რეალის" ფეხბურთელებისას, "ლივერპულის" და "ბარსელონას" წინააღმდეგ თქვენ მიხვდებით თუ რაზე მაქვს საუბარი. ზუსტად ეს იყო მიზეზი იმისა რომ, "ჩელსის" მცველები თითქმის სიარულით ბრუნდებოდნენ უკან და ასწრებდნენ ყველა პრობლემური ზონის გადაკეტვას. ეს არის ის, რაც უნდა გამოსწორდეს.

დადებით მომენტად იქცა მარუან ფელაინი, რომელმაც შესანიშნავი მატჩი ჩაატარა და სხვათაშორის მეორე ზედიზედ. ჩანს რომ ბელგიელმა თავისი თავი იპოვა გუნდში და საკუთარ ძალებში დარწმუნებული გახდა. დევიდ მოიესი მას ჩამშლელად იყენებდა, ხოლო ლუი ვან გაალმა მას შესთავაზა ეთამაშა მაღალი პრესინგი, რამაც გაამართლა. სესკ ფაბრეგასი მთლიანად განეიტრალებული იქნა, ხოლო თავად მარუანმა ძალიან დიდი სამუშაო შეასრულა. გაირბინა რა 12 კილომეტრამდე და თითქმის არ წაუგია მეორე სართულზე ორთაბრძოლა.

უკვე დადასტურებულია რომ უეინ რუნი, რომელმაც 3 მატჩი დისკვალიფიკაციის გამო გამოტოვა, გუნდს დაუბრუნება და კიდევ უფრო გააძლიერებს მას. კაპიტანი, ლიდერი, მებრძოლი - ეს უეინია. ვწუხვარ რომ, მასთან ერთად ვერ დაბრუნდება რადამელ ფალკაო, რომელსაც ისევ ტრავმა აწუხებს.

დღევანდელი "მანჩესტერ სიტი" გაცილებით სუსტი გუნდია ვიდრე "ჩელსი". მანუელ პელეგრინისგან არავინ ელის რაიმე განსაკუთრებულს, როგორც ეს მოურინიოს შემთხვევაში იყო. რასაც ხედავთ - სწორედ ის ხდება, "ქალაქელების" თამაშის წინასწარმეტყველება ადვილია. თუკი დაკვირვებით უყურებთ და განიხილავთ მათ მიერ, ბოლო, რამდენიმე ჩატარებული მატჩის ჩანაწერს - საშინაო დავალება მზად გაქვთ, თქვენ მზად ხართ. მთავარია "იუნაიტედის" ფეხბურთელებმა მწვრთნელის დარიგებები ზედმიწევნით შეასრულონ და ფიზიკურად მზდ იყვნენ სრული მატჩის სათამაშოდ.



ასევე, "სიტის" თამაშების შემხედვარე, ჩემთვის ჩავინიშნე, საერთოდ არ ვარ აღფრთოვანებული ჯო ჰარტის თამაშით. არ ვიცი, უყურეთ თუ არა ინგლისური ფეხბურთის განხილვას. უბრალოდ გეტყვით რომ გადაცემაში, ბრედ ფრიდელმა გაანალიზა და გააკრიტიკა ჰარტი, საერთოდაც ეჭვი შეიტანა მის მაღალ კლასში. ამ კაცმა კი თავისი საქმე ძალიან კარგად იცის! ასე რომ, თუ შევადარებთ გუნდების შემადგენლობებს, მეკარის პოზიციაზე, "იუნაიტედის" დევიდ დე ხეა აშკარად სჯაბნის თავის ვიზავის.

მთლიანად, "იუნაიტედი" მხოლოდ დაცვის ხაზით თუ ჩამოუვარდება მეტოქეს. სტაბილური, გამოცდილი და ფიზიკურად ძლიერი მცველების შედარება, ლუი ვან გაალის ექსპერიმენტურ უკანა ხაზთან უბრალოდ არ შეიძლება. მაგრამ ეს სულაც არ ნიშნავს იმას რომ "სიტის" მცველები არ სცოდავენ, პირიქით მათ სეზონის განმავლობაში ბევრი შეცდომა დაუშვეს. ამიტომ თამაში შეიძლება თანაც თამამად.

ახლა კი შევაჯამებ, ჩემი აზრით, "იუნაიტედს" დერბიში წარმატების მიღწევის ძალიან მაღალი შანსი აქვს. ლუი ვან გაალს უბრალოდ შეუძლია გადაუაროს თავის მეტოქეს, პირად დუელში. და კიდევ, ჩანს რომ გუნდი მზადაა დიდი მატჩების სათამაშოდ, სადაც მხოლოდ ოსტატობა არ კმარა და მებრძოლი ხასიათის გამოვლინებაც საჭიროა.


წყარო: carrick.ru