ანხელ დი მარიას დერბიში თამაშის დიდი გამოცდილება აქვს, მაგრამ მას არასდროს მიუღია მონაწილეობა მანჩესტერული გუნდების შეხვედრაში.

მადრიდის "რეალიდან" "იუნაიტედში" გადასვლის შემდეგ დი მარია კვირას პირველ დერბის "ეტიჰადზე" "სიტის" წინააღმდეგ გამართავს.

"რეალის" შემადგენლობაში "ბარსელონას" წინააღმდეგ "კამპ ნოუზე" ჩატარებული პირველ შეხვედრა მასპინძლების გამარჯვებით 5-0 დასრულდა.

დი მარიამ ადრეც განიცადა მარცხი "როსარიო სენტრალში" თამაშის პერიოდში, როცა მისი გუნდი "ნიუელს ოლდ ბოიზს" დაუპირისპირდა.

26 წლის ფეხბურთელს ახსოვს ეს მატჩები, მაგრამ მხოლოდ იმის გამო, რომ ასეთი რამის მოხდენას ხელი შეუშალოს.

"დერბი შესაძლოა კოშმარად იქცეს."

"თუ დამარცხდები, ეს იმას ნიშნავს, რომ გარეთ არა მარტო 2-3 დღით ვერ გახვალ, არამედ მთელი 2-3 კვირით."

"ყველა დამწუხრებული იქნება თუ დამარცხდები და შენი სახის ჩვენება ქომაგისთვის არ გსურს."

"როსარიო სენტრალში" ორ დერბიში მივიღე მონაწილეობა. ერთხელ გამარჯვებული გამოვედი, რის გამოც უბედნიერესი ვიყავი."

"მაგრამ ვიცი, რას ნიშნავს დამარცხება და გულშემატკივართა იმედგაცრუების გამო სახლში 2-3 დღით გამოკეტვა. ვიცი, რას ნიშნავს თავდახრილი სიარული, რადგან შენ კიდევ ერთხელ წააგე."

"ვიცით, რომ ეს უმნიშვნელოვანესი მატჩია "იუნაიტედისთვის". ისიც ვიცით, რომ "სიტისთვისაც" უმნიშვნელოვანესი შეხვედრაა. მაქსიმუმს გავაკეთებთ, რათა დავრწმუნდეთ, რომ ქალაქის წითელი ნაწილი მატჩის შემდგომ ბედნიერი იქნება."

წყარო: M.E.N.