ლუი ვან გაალი აცხადებს, რომ მისთვის პირველ მანჩესტერულ დერბის კარგი წინაგრძნობით ხვდება.
"მანჩესტერ სიტიზე" არ ვეჭვიოანობ. ჩემი ფეხბურთელებით ვამაყობ და ეს ყველაზე მნიშვნელოვანია. თუ კი გუნდურად ვითამაშებთ, მოგების შანსი გვექნება."
"მატჩის მოგება ჩვენი მიზანია. ჩვენ ვიზრდებით და ვვითარდებით. მატჩის წინ კარგი წინათგრძნობა მაქვს." - განაცხადა ვან გაალმა.
ჰოლანდიელი დერბიში წარმატების მიღწევას "იუნაიტედის" ახალ დონეზე ასვლად მიიჩნევს.
"გამარჯვება უფრო მეტს მოგცემს, ვიდრე უბრალოდ შედეგია. გამარჯვება ბიძგს მოგცემს."
"ჩვენ ძალიან კარგად ვითამაშეთ "ვესტ ბრომვიჩთან", მაგრამ 2-2-ს დავჯერდით. "ჩელსისთან" ფრე ვითამაშეთ, მაგრამ ამას არავინ არ ელოდა. ჩემთვის კი შედეგი არასაკმარისი იყო და იქნებ "სიტის" წინააღმდეგ მიღწეულმა შედეგმა მოგვცეს ბიძგი."
"უკანასკნელ ორ შეხვედრაში არ გვიმართლებდა, მაგრამ ორივე მათგანში შეხვედრის მიწურულს გავიტანეთ გოლები."
"რას იტყვით გუნდის სულისკვეთებაზე? ის დაუჯერებელია. ვფიქრობ, ჩვენ ძალიან ვვითარდებით, მაგრამ გვჭირდება კი "სიტისთან" დადებითი შედეგი?"
"კარინგტონის სავარჯიშო ბაზას ნახავდით. ახალი ბალახის გასაზრდელად დროა საჭირო. ასეა გუნდის შემთხვევაშიც. ყველაფერი ერთ თამაშზე არ არის დამოკიდებული. "მანჩესტერ სიტისთან" თამაში პროცესის ერთ-ერთი შეხვედრაა. მაგრამ მას დახმარების გაწევა შეუძლია. უკვე ვაჩვენეთ, რომ სწორად ვვითარდებით." - დაამატა ბოსმა.