"მანჩესტერ იუნაიტედმა" რადამელ ფალკაოს სატრანსფერო პირობები შეათანხმა. "იუნაიტედს" კოლუმბიელის შეძენა 44 მლნ. ფუნტი დაუჯდება.
ინგლისელები "მონაკოს" ფალკაოს იჯარის თაობაზე სატრანსფერო ფანჯრის უკანასკნელ დღეს შეუთანხმდნენ.
ინგლისის 20 გზის ჩემპიონები უფლებას იტოვებენ იჯარა შეწყვიტონ, თუ კი რადამელს სეზონის ბოლომდე ტრავმა შეაწუხებს. თუმცა, წყაროს ცნობით კონტრაქტის ყველა პირობა შეთანხმებულია და "იუნაიტედს" ფალკაოს გაფორმება ოფიციალურად შეეძლება.
ფალკაო მიმდინარე შეთანხმებით კვირაში 300 ათას ფუნტს იღებს ხელფასის სახით და როგორც მოსალოდნელია კოლუმბიელის ხელფასის რაოდენობა არც ტრანსფერის შეთანხმების შემდეგ შეიცვლება.
ფალკაოს აგენტს, ხორხე მენდეშს ახლო ურთიერთობა აქვს "იუნაიტედის" აღმასრულებელ დირექტორთან და არც თავად კოლუმბიელი ფორვარდია "იუნაიტედში" დარჩენის წინააღმდეგი.