"იუნაიტედის" ქომაგი, რომელიც გოგრებისგან ქანდაკებებს აკეთებს, მანჩესტერული დერბის წინ ცრურწმენას მიმართავს.
საიმონ მაკმინისმა "მანჩესტერ იუნაიტედის" მწვრთნელის, ლუი ვან გაალისა და "სიტის" თავკაცის, მანუელ პელეგრინის საშიში გამოსახულებები დაამზადა გოგრებისგან, რომელსაც დერბის აღსანიშნად გამოიყენებს.
"მიყვარს ეს პერიოდი და წარსულში მრავალი სახის საშიში თუ მშვენიერი გოგრა გამომიკვეთია."
"იმედი მაქვს ლუი ვან გაალის ჩემებური სახე "წითლებს" მოედანზე მცირე იღბალს მოუტანს, ხოლო ლუის მანჩესტერული დერბის ისტორიის წიგნში ადგილს დაუმკვიდრებს." - განაცხადა საიმონმა.
საიმონს, რომელიც პოულტონში დაიბადა 15 კილოგრამიანი გოგრებისგან ორი ცნობილი სახის ამოკვეთაში 25 საათი დასჭირდა. დამზადებულ საქონელს საიმონი "ეტიჰადის" მახლობლად გაყიდის, სადაც იგი რეგულარულად ვაჭრობს.
ჯული ფინი, სუპერმარკეტის გამყიდველი: "მე "ცისფერი" ვარ, ის კი "წითელი", ასე რომ, ყოველი დერბის წინ ერთმანეთს ვეჯიბრებით. არ ვიცი რას იფიქრებენ ლუი და მანუელი თავისი გოგრული გამოსახულების შესახებ, მაგრამ დარწმუნებულები ვართ, რომ დიდებული გამოვიდა."
"ვფიქრობ, პელეგრინის გოგრა უფრო მიმსგავსებულია და იმედი მაქვს, ეს მატჩზე დადებითად აისახება."