როგორი შთაბეჭდილება დატოვა "იუნაიტედმა", "ჩელსისთან" გამართულ შეხვედრაში?"იუნაიტედმა" მიმდინარე სეზონში რამდენიმე ძალიან კარგი თამაში აჩვენა, მაგრამ ეს თამაშები იყო ისეთ გუნდებთან, რომლებთანაც ამას ყველა ელოდა, თუმცა ის რამაც მე გამაოცა "ჩელსისთან" მატჩში, იყო ის თუ როგორი წინააღმდეგობა გაუწიეს "წითლებმა" პრემიერ ლიგის ლიდერებს. მართალია არც ერთი წამით არ მიფიქრია რომ ლონდონელები დამარცხდებოდნენ, მაგრამ "იუნატედი" აგრძელებდა ზეწოლას, ჰქონდათ უპირატესობა ბურთის ფლობაში და ქმნიდნენ ძალიან სახიფათო მომენტებს."
მარუან ფელაინი ერთ-ერთი საუკეთესო იყო საკვირაო თამაშში, მეთანხმებით?"დიახ, მან ბოლო ორ თამაშში ძალიან დიდი სამუშაო შეასრულა. ის შემოვიდა და გაიტანა ულამაზესი გოლი ორშაბათს. "ვესტ ბრომის" წინააღმდეგ და ასევე ძალიან მნიშვნელოვანი ფიგურა იყო კვირას. მან გაანეიტრალა სესკ ფაბრეგასი და ამასთანავე შეტევაშიც ხშირად ერთვებოდა. ვფიქრობ ბელგიელმა კიდევ უნდა მოუმატოს და რეგულარულ სათამაშო დროს მიიღებს, მაიკლ კერიკთან და ანდერ ერერასთან ერთად კარგი არჩევანი იქნება მოედნის ცენტრის გასაძლიერებლად."
უნდა ველოდოთ თუ არა "სიტისგან" განსხვავებულ "ჩხვლეტას"?"რა თქმა უნდა, იქნება უფრო მეტი ზეწოლა "ეტიჰადზე", ამიტომ მე რუნის დავაყენებდი მატას ნაცვლად. ხუანი ძალიან ჭკვიანურად და დისციპლინირებულად თამაშობდა ყოფილი გუნდის წინააღმდეგ, მაგრამ "სიტისთან" შენ მაინც გჭირდება სიძლიერე და აგრესია, რაც უეინს ნამდვილად არ აკლია. ყველამ კარგად იცის რომ "სიტი" ფიზიკურად ძალიან ძლიერი გუნდია, იაია ტურე და ფერნანდო მოედნის ცენტრში, ორი ძალიან მაღალი მცველი და ედინ ჯეკო წინ. გასულ სეზონში ლურჯებმა 4-1 დაამარცხეს თანაქალაქელები და ეს მეტწილად იმის ხარჯზე გააკეთეს რომ, გადათელეს "იუნაიტედის" ფიზიკურად სუსტი ფეხბურთელები. რუნი გთავაზობს სიძლიერეს და ოსტატურ თამაშს ერთდროულად, ამიტომ მე ვერ ვხედავ საბაბს თუ რატომ არ უნდა იყოს იგი ძირითადში."
რატომ აქვს ჩავარდნა "სიტის" ამ მომენტში?რადგან ისინი დაცვაში გამოიყურებიან სუსტად და უშვებენ ბევრ გოლს. "ვესტ ჰემის" მენეჯერმა სემ ელერდაისმა მატჩის შემდეგ, წარმატების "რეცეპტი" გაამხილა და თქვა რომ მან მიზანში ამოიღო, ახალგაზრდა ელიაკიმ მანგალა, რომელიც გუნდის ახალწვეულია. საინტერესო იქნება შეინარჩუნებს თუ არა ფრანგი ადგილს ძირითადში, არის შესაძლებლობა მისი ადგილი, გამოცდილმა, მარტინ დემიკელისმა დაიკავოს. ბევრი ითქვა პელეგრინის 4-4-2 და ვან გაალის 4-3-3 ტაქტიკებზე, შექმნის მოედნის ცენტრში ერთით მეტი მოთამაშე უპირატესობას? სავარაუდოდ რუნი დაიწევს უკან მაგრამ გადაჭრის ეს პრობლემას? თუ ტურე დაეპატრონება ცენტრს? არავინ იცის. ვფიქრობ თამაშში ბევრი გოლი გავა და ჩემი აზრით "სიტის" მოგების მეტი შანსი აქვს, მაგრამ თანაბარ თამაშს ველი."
"სიტის" რომ ჰქონდეს შესაძლებლობა "იუნაიტედის" ერთი ფეხბურთელი საკუთარ სასტარტო შემადგენლობაში დააყენონ, რას ფიქრობ ვინ იქნება ის?"დი მარია იქნებოდა აშკარა არჩევანი. მისი კარიერა "იუნაიტედში" ფანტასტიურად დაიწყო და ახლაც, როდესაც არგენტინელი ბურთს იღებს ყოველთვის რაიმე გრანდიოზულის მოლოდინში ხარ. როგორც უკვე ავღნიშნე "სიტის" დაცვაში უჭირს, მაგრამ მათ ერთი ცენტრალური მცველი მაინც ჰყავთ, რომელსაც შესაძლოა დაეყრდნონ, აი რაც შეეხება "იუნაიტედს" მათ არცერთი ცენტრალური მცველი არ ჰყავთ მაღალი დონის. რომ არა დი მარია, სავარაუდოდ დავასახელებდი ლუკ შოუს, რამეთუ არც კოლაროვი და არც გაელ კლიში არ არიან თავის პოზიციაზე საუკეთესოები. რაც შეეხება შოუს დარწმუნებული ვარ 1-2 წელში იგი პრემიერ ლიგის საუკეთესო მარცხენა მცველი იქნება."
ვის მხარეს დადგებოდი, ვან პერსის თუ აგუეროს? რომელ მათგანს იყოლიებდი გუნდში?"რა თქმა უნდა, აგუეროს. მას აქვს საუკეთესო მაჩვენებელი პრემიერ ლიგის ისტორიაში, საშუალოდ გატანილ გოლებში და ამ სეზონშიც უკვე 8 გოლი გაიტანა 9 მატჩში. მართალია რობინ ვან პერსის მუდმივად ტრამვები უშლიდა ხელს და იმ მწვერვალს ვერ მიაღწია რაც თვითონ სურდა, მაგრამ მე მაინც არგენტინელს ვამჯობინებ. სუარესის წასვლის შემდეგ სწორედ სერხიო არის პრემიერ ლიგის საუკეთესო შემტევი."
არის თუ არა ეს მატჩი "სიტისვის" უფრო მნიშვნელოვანი?"აუცილებლად უნდა დაგეთანხმოთ, რადგან სხვაობა ლიდერთან უკვე ექვსი ქულაა, რაც დამეთანხმებით უკვე საკმაოდ რთული აღმოსაფხვრელია, მაგრამ თუ წარუმატებლობის შემთხვევაში გახდება 8 ან 9 უკვე თითქმის შეუძლებელი იქნება "ჩელსის" დაწევა. "სიტიმ" შარშანაც ცუდად დაიწყო და საბოოოდ მოახერხა ტიტულის მოგება, მაგრამ ჟოზე მოურინიოს გუნდი შარშანდელთან შედარებით ბევრად ძლიერია. თუ "იუნაიტედი" დამარცხდება ოთხეულში მოხვედრა მაინც შესაძლებელი იქნება, მაგრამ თუ "სიტი" დამარცხდება ტიტულისთვის ბრძოლას თითქმის გამოეთიშება, რადგან "ჩელსი" არაა "არსენალის" კალიბრის გუნდი, რომელმაც შეიძლება სეზონი ძალიან კარგად დაიწყოს და შემდეგ ჩაფლავდეს."
წყარო:
skysports.com