ბობი რობსონი, რომ უეინ რუნიმ კაპიტნის სამკლაური დამსახურებულად მიიღო.
უეინ რუნი ახალი როლით მოხარულია, მაგრამ ოქტომბერში გამართულ სამივე შეხვედრაში მან გუნდის დახმარება ვერ შეძლო, რადგან "ვესტ ჰემთან" მიღებული წითელი ბარათის გამო დისკვალიფიკაციას იხდიდა.
"ვფიქრობ, მწვრთნელმა სწორი გადაწყვეტილება მიიღო, როცა უეინი აირჩია კაპიტნად. გუნდში სხვა არავინაა, რომელიც რუნიზე მეტად იმსახურებდა. ის ისეთივე კარგი კაპიტანია, როგორიც ფეხბურთელი."
"თამაშისადმი რუნის დამოკიდებულება, თანაგუნდელებთან ერთად და საკუთარ თავთან მუშაობა ყველასთვის მისაბაძი მაგალითია. ერთი რამ, რაც რუნიმ უნდა გაითვალისწინოს, ის ახლა უფრო მეტად არის დაკვირვების ობიექტი. მცირე ხნის წინ იგი გაძევებული ვნახეთ და კაპიტანს ამის უფლება არ აქვს. მაგრამ უეინმა ეს იცის - მე მას ვარჯიშზე ველაპარაკე და ძალიან დამწუხრებული იყო."
"ბოლო წლებში ძალიან დამშვიდებულია. 18 წლის ასაკში მომწიფება აკლდა. ახლა უფრო დაღვინებულია. მაგრამ მას ამ ქმედებით ალბათ გუნდისთვის დახმარება სურდა. დარწმუნებული ვარ, ეს აღარ მოხდება."