"მანჩესტერ იუნაიტედის" ცენტრალური მცველი, ტაილერ ბლეკეტი აცხადებს, რომ "იუნაიტედში" თამაში მისი ოცნება იყო.
"იუნაიტედის" აკადემიის აღზრდილმა ფეხბურთელმა პირველი გუნდის რიგებში რამდენიმე მატჩი ჩაატარა და ქომაგს თავი დადებითად დაამახსოვრა.
"ეს ჩემთვის ყველაფერს ნიშნავს. მე მანჩესტერში გავიზარდე და "იუნაიტედში" თამაში ოცნების ახდენას ჰგავს. იმედი მაქვს, კლუბისთვის სარგებლის მოტანას გავაგრძელებ."
"ადგილობრივობა დამატებითი ზეწოლა არ არის, მაგრამ ამას ვეჭიდები. როგორც ერთ-ერთმა ადგილობრივმა, ვიცი რას ნიშნავს ეს კლუბი. არასწორად ნუ გამიგებთ, უცხოელმა ფეხბურთელებმაც იციან, რას ნიშნავს "მანჩესტერ იუნაიტედი", მაგრამ ადგილობრვს ეს უკეთ ესმის."
"შენ იცნობ ისტორიას და ფეხბურთელებს, რომლებიც შენამდე აქ მოვიდნენ. ეს ჩემთვის და ჩემი ოჯახისთვის ბევრს ნიშნავს."
ბლეკეტი შესაძლოა კვირას "ეტიჰადზე" "სიტის" წინააღმდეგ ვიხილოთ.
"მე ჰულმში დავიბადე, რომელიც ქალაქის ცენტრში მდებარეობს. სადაც მე ვცხოვრობ, იქ "სიტის" ქომაგებიც არიან, რომლებთან მცირე უსიამოვნებას განვიცდი, მაგრამ ახლა უფრო უკეთესია მათ გვერდით ყოფნა. ისინი უფრო მრავალრიცხოვანი გახდნენ ბოლო პერიოდში."
"ჩემს ოჯახში ყველა "იუნაიტედს" ქომაგობს და მას წლების განმავლობაში უყურებს. მანჩესტერის ორივე მხარის ქომაგთა ყოფნა მოედანზე თამაშს დიდებულ ატმოსფეროს სძენს. დერბი უდიდესი შეხვედრაა."