როგორც მოგეხსენებათ, კვირას მანჩესტერში გაიმართება ტურის ცენტრალური მატჩი ორ მეზობელ გუნდს შორის, ამასთან დაკავშირებით ადგილობრივი პოლიცია იწყებს აქტიურ მზადებას.

პოლიციელების ასეთი აქტიურობა გამოწვეულია იმ ფაქტით, რომ "იუნაიტედის" გულშემატკივრების დიდ რიცხვს, რომლებიც განსაკუთრებული უხეშობით გამოირჩევიან უმთავრდებათ აკრძალვის ვადა, რომლის მიხედვითაც მათ ამ მატჩამდე არ შეეძლოთ "იუნაიტედის" მატჩებზე დასწრება.

ამ ფანებს ემატება დანარჩენი 2400 გულშემატკივარი, რომლებიც მზად არიან ბოლომდე დაუდგნენ მხარში საყვარელ გუნდს "ეტიჰადის" 47 000-იან სტადიონზე.

მომზადებული იქნება სულ 400-მდე ოფიცერი, მათ შორის არიან სპეც მომზადების რაზმი, ძაღლის მწვრთნელები და ცხენოსანი ოფიცრები. ისინი კონტროლს გაუწევენ მთელ ქალაქს ორშაბათ დილიდან შუაღამემდე.

ოფიცრები განაწილებულები იქნებია ქალაქის ცენტრში, მოედნის მიმდებარე ტერიტორიასა და ქალაქის მეტროში.

ისინი ასევე ყურადღებით გააკონტროლებენ ფანების მიერ გაშვებულ"დისატნციურად მართვად თვითმფრინავებს", როგორც მოგეხსენებათ აღნიშნული ხელსაწყო გამოყენებული იქნა "ტოტენჰემთან" მატჩში, რის შემდეგაც ერთ-ერთი გულშემატკივარი დააკავეს.

შეზღუდული იქნება ალკოჰოლის მიღებაც. ასევე პოლიციის ოფიცრება ახლომდებარე ბარებისგან მოითხოვეს, რომ სასმელები გაიყიდოს მხოლოდ პლასტიკატის ბოთლებით.

მზადყოფნაში იქნება პოლიციის ვერტმფრენიც, რომელიც ჰაერიდან გააკონტროლებს სტადიონის ტერიტორიას.

"ჩვენ მიჩვეულები ვართ ასეთი პროფილის მატჩებს. ვიმედოვნებ, რომ გულშემატკივრები მოვლენ თამაშზე, ისიამოვნებენ ამ მატჩით და მშვიდობიანად დაბრუნდებიან უკან." - განაცხადა პოლიიციის დეპარტამენტის უფროსმა.

"მათ აქ უამრავი ოფიცერი დახვდებათ, რათა იზრუნონ მათ უსაფრთხოებაზე და გაუმკლავნდენ ნებისმიერ დაბრკოლებას, რომელიც შეიძლება ამ დღეს შეიქმნას."

წყარო: MEN