მანუელ პელეგრინი აღიარებს რომ მის გუნდში თვითრწმენის კრიზისი სუფევს. პრემიერ ლიგის ამჟამინდელი ჩემპიონები გუშინ ღამით სამარცხვინოდ გამოეთიშნენ Capitan One Cup-ის გათამაშებას და დაკარგეს ორი წამყვანი ფეხბურთელი.
პელეგრინის გუნდი მესამე მატჩია გამარჯვებას ვერ აღწევს. მათ ფრე ითამაშეს ჩემპიონთა ლიგის ეგიდით გამართულ მატჩში "ცსკ"-ს წინააღმდეგ, იწვნიეს მარცხი პრემიერ ლიგაში "ვესთ ჰემთან" და გამოეთიშნენ სათასო შეხვედრას "ნიუკასლის" მატჩის შედეგად. პრემიერ ლიგის ცხრილში კი პირველადგილოსან "ჩელსის" 6 ქულით ჩამორჩებიან.
"რა თქმა უნდა ჩვენ სანერვიულოდ გვაქვს საქმე." აცხადებს პელეგრინი. "ჩვენ ვერ მოვიგეთ ვერცერთი მატჩი ამ კვირაში. ამაზე უნდა ვღელავდეთ, მაგრამ ამასთანავე გამოსავალი მოვნახოთ. ვგრძნობ რომ კარგად არ მიგვდის თამაში. რთული პერიოდი გვაქვს. აშკარად იგრძნობა ნდობის ნაკლებობა."
"ჩვენ ორი მარტივი გოლი გავუშვით და საპასუხოდ ვერ გავიტანეთ. ძალიან ადვილად ვიღებთ გოლს საკუთარ კარში და ვერ გაგვაქვს. ეს ხდება მაშინ, როდესაც გუნდში უნდობლობაა."
დავიდ სილვას მუხლის ტრავმა აწუხებს, ხოლო იაია ტურეს მყესი აქვს დაზიანებული, რამაც შესაძლოა ეს ორი ფეხბურთელი დერბის მიღმა დატოვოს.
"ჩვენ ხვალ ვნახავთ ექიმს და ამის მერე გავაკეთებ კომენტარს. ახლა არაფრის თქმა შემიძლია." განაგრძობს პელეგრინი. "დავიდს პრობლემა აქვს მუხლზე, მაგრამ ჯერ არ ვიცი რამდენად სერიოზულია ის. იაიას მყესი აქვს გადაღლილი, ასე რომ არ მინდა სერიოზულ რისკზე წავიდე."
ჩილელმა მწვრთვნელმა საკუთარი გადაწყვეტილება, რომელიც სილვას სასტარტო შემადგნლობაში დაყენებას გულისხმობდა, გაამართლა იმით, რომ მან იცოდა იმის შესახებ რომ ესპანელი სრულ მწყობრში იყო.
"არავითარი მიზეზი არ არსებობდა იმასთან დაკავშირებით, რომ სილვას არ მიეღო მონაწილეობა მატჩში. ჩვენ ოთხშაბათს ვითამაშეთ და მას ოთხი დღე ჰქონდა გამოსაჯანმრთელებლად. ასე რომ ის სრულიად მზად იყო თამაშისთვის. შესაძლოა სრული მატჩის ჩატარებას არ აპირებდა, რადგან მატჩის ბოლოს ნასრით მის შეცვლას ვგეგმავდი." დაასრულა პელეგრინიმ.