"მანჩესტერ იუნაიტედის" ყოფილი თავდამსხმელი, ენდი კოული აცხადებს, რომ მანჩესტერულ დერბის უფრო მეტი პრინციპულობა შეემატა.

"მანჩესტერ იუნაიტედი" კვირას თანაქელების წინააღმდეგ ითამაშებს. ეს მეორე მნიშვნელოვანი დაპირისპირება იქნება ლუი ვან გაალის ხელმძღვანელობის ქვეშ.

"წითელმა ეშმაკებმა" წინა ტურში პრემიერ ლიგის ლიდერი, "ჩელსი" მიიღეს (1-1).

"სიტი" ბოლო სამი წლის განმავლობაში პრემიერ ლიგის ტიტულისთვის იბრძვის, რაც კოულის აზრით დერბის დამატებით პრინციპულობას მატებს.

"სიტისთან" გამართული ყოველი შეხვედრა განსაკუთრებულია, მაგრამ ახლა მათ დამატებითი მნიშვნელობა ენიჭება."

"სიტი" უკვე რამდენიმე წლის განმავლობაში გვესახება გუნდად, რომელიც ჩემპიონატის მოგებისთვის იბრძვის."

"საერთოდ, ეს ძალიან სასაცილო გუნდია. შეუძლიათ 6-7 მნიშვნელოვანი შეხვედრა ზედიზედ მოიგონ, მაგრამ შემდეგ სუსტ მეტოქესთან მოულოდნელად დამარცხდნენ. ანუ, არასდროს იცი რას უნდა ელოდე მათგან."

"მაგრამ ეს არის გუნდი, რომელშიც უამრავი დიდებული ფეხბურთელი ირიცხება."

ლონდონის "ჩელსის" კარში შეხვედრის მიწურულს გოლი რობინ ვან პერსიმ გაიტანა, რაც მხოლოდ მესამე გატანილი ბურთი აღმოჩნდა ჰოლანდიელისთვის მიმდინარე სეზონში ჩატარებულ 9 შეხვედრაში.

"არავითარი ეჭვი არ არსებობს, რომ "ჩელსის" კარში გატანილი გოლი რობინს თავდაჯერებულობას შემატებს. სეზონის სტარტი რთული გამოდგა არა მარტო მისთვის, არამედ მთელი გუნდისთვის."

"დარწმუნებული ვარ, ასე "იუნაიტედი" მხოლოდ თავდაჯერებულობას შეიძენს და მათი საქმეები კარგად წავა. ეს უახლოეს დროში მოხდება."

წყარო: redevils.ru