წითლების ყოფილი კარის დარაჯი, პეტერ შმეიხელი, "ჩელსისთან" გამართული შეხვედრის მერე აცხადებს რომ, "იუნაიტედის" დაცვის ხაზს დისციპლინა აკლია.
"ორივე გუნდს ძალიან კარგი ახალგაზრდა მეკარე ჰყავს დავიდ დე ხეას და ტიბო კურტუას სახით. მაგრამ მათი სიტუაცია განსხავებულია, იმის მიხედვით თუ როგორ მოქმედებენ მის წინ მცველები. ბელგიელი თამაშობს ძალიან გამოცდილი და ორგანიზირებული დაცვის უკან, ხოლო "იუნაიტედის" დაცვის ოთხეულს კი პირიქით არ ჰყოფნით თავდაჯერება და გამოცდილება. "
მარკოს როხოს და კრის სმოლინგის დუეტი გახდა მერვე ვარიანტი დაცვის ცენტრში, რომელიც ლუის ვან გაალმა სულ რაღაც 9 ტურის განმავლობაში გამოიყენა.
"როგორც "იუნაიტედის" ყოფილმა მეკარემ, კარგად ვიცი, რომ დაცვის ხაზი უნდა მოქმედებდეს როგორც ერთი მთლიანი და არა მარტო დაცვის ხაზი, მეკარეც ამ ერთიანობის ნაწილი უნდა იყოს.
როდესაც თქვენ მეტოქის შეტევას შლით, ან ასე ვთქვათ მონაწილე ხართ დაცვითი ფუნქციებისა, თქვენ რა თქმა უნდა კომფორტულად იგრძნობთ თავს, როდესაც თქვენი კოლეგის ძლიერი მხარეები გეცოდინებათ.
მაგალითად, თუ მე ვთამაშობ ცენტრალური მცველით, მე მინდა ვიცოდე რომელია მათგან უფრო სწრაფი და რომელი უფრო კარგად თამაშობს მეორე სართულზე.
მათ აუცილებლად უნდა იცოდნენ, შემიძლია თუ არა კუთხის ისე ჩაკეტვა, რომ მისთვის უსაფრთხო იყოს შემტევის ამა თუ იმ ზონისკენ გაყვანა. სწორედ ეს მოხდა მეორე გოლის დროს, როდესაც კურტუამ აუღო ვან პერსის. ტიბო უკვე ადგილზე ელოდა დარტყმულს.
ამ ყველაფრის მისაღწევად აუცილებელია ერთად ხშირი თამაში. წამყვან ევროპულ კლუბებს თუ დააკვირდებით, თქვენ ნახავთ, რომ მათი შეტევის ხაზი უფრო ხშირ როტაციას განიცდის ვიდრე დაცვის, რაც "იუნაიტედში" ნამდვილად არ ხდება."
იუნაიტედის მცველებმა აუცილებლად უნდა აიღონ პასუხისმგებლობა
"კვირას, დავიდ დე ხეამ კიდევ ერთი მშვენიერი მატჩი ჩაატარა, ის ცდილობდა სტაბილურობა შეეტანა დაცვის ქმედებებში: მეკარის მოედანს ყურადღებით აკონტროლებდა, ძალიან კარგად გამოდიოდა და მეტოქის ჩაწოდებულ ბურთს ჭრიდა.
მაგრამ როგორც ჩანს, ვინც არ უნდა ეყენოს ვან გაალს ცენტრალური მცველის პოზიციაზე, არავინაა ლიდერი, რომელიც მყარად იდგება მოედანზე ორივე ფეხით.
როხოს და სმოლინგს არასდროს არ უთამაშიათ ერთად "ჩელსისთან" მატჩამდე, მაგრამ ეს არ იყო მათი ერთადერთი პრობლემა. არ ვარ დარწმუნებული, რომ როხო ცენტრალური მცველია. ის არ ჰგავს ცენტრალურ მცველს და არ გამოირჩევა თავდაჯერებულობით, რაც აუცილებლად უნდა ჰქონდეს ამ ამპულის ფეხბურთელს. ის უფრო აგრესიულ მარცხენა მცველს ან ნახევარმცველს ჰგავს, მარკოსი ასეთ სტილში თამაშობს. "ჩელსისთან" მატჩში არგენტინელი აკეთებდა პასებს, რომელსაც აკეთებენ მარცხენა მცველები.
სმოლინგს, რომელიც როხოს გვერდით თამაშობდა, არასდროს ჰქონია პრეტენზია მთავარ ცენტრალურ მცველობაზე "იუნაიტედში". ის ნერვიულობს და არადამაჯერებელობა ეტყობა. მის გვერდით უნდა ითამაშოს ძლიერმა და გამოცდილმა მცველმა, რომელიც მიუთითებს და დაეხმარება. არც ისაა ლიდერი და საერთოდაც არ არის კარგი "იუნაიტედისთვის".
რაფაელის მე-12 წუთზე მიღებული ბარათმა ერთი-ორად გაურთულა ცხოვრება სმოლინგს.
ჟოზე მოურინიოს ტაქტიკა თავიდანვე ნათელი იყო: აზარს ეაქტიურა ფლანგზე, რათა რაფაელს ვერ გაეძლო ზეწოლისთვის. ამ ტაქტიკამ ასე თუ ისე გაამართლა. მატჩის სტარტშივე რაფაელი წამეოგო აზარის ცრუ მოძრაობაზე და დამსახურებული ყვითელიც მიიღო. ახლა როცა ბრაზილიელი გაფრთხილებული იყო გაიზარდა იმის შანსი, რომ განერვიულებული მარჯვენა მცველი კიდევ ერთხელ შემცდარიყო და ნაადრევად დაეტოვებინა მინდორი. ეს კიდევ ერთი თავის ტკივილი იყო კრის სმოლინგისთვის.
როგორც მახსოვს, "იუნაიტედი" ყოველთვის მოხერხებული გუნდი იყო, მათ შეტევაში ისეთი რამის მოფიქრება შეეძლოთ, რასაც სხვა გუნდები ვერც წარმოიდგენდნენ, მაგრამ ეს შესაძლებელია მხოლოდ მაშინ თუ შენ ზურგს გიმაგრებს კარგი დაცვა, რომელსაც შეტევის დაშვებული შეცდომით წამოწყებული კონტრ-შეტევის შეჩერება შეუძლია. ახლა კი ფეხბურთელებს ეშინიათ ბურთის დაკარგვის."