"მანჩესტერ იუნაიტედმა" სკაუტები მსოფლიო ჩემპიონისა და "შალკე 04"-ს მცველის, ბენედიქტ ჰიოვედესის სათვალთვალოდ გაგზავნა.
მსოფლიო ჩემპიონატზე ჰიოვედესი გერმანიის ნაკრებში მარცხენა მცველად თამაშობდა, მაგრამ საკლუბო დონეზე იგი დაცვის ცენტრში დგება.
მარკოს როხოს მსგავსად ბენედიქტი ვან გაალის მოწონებას იმსახურებს, რომელიც ჯერ კიდევ აგრძელებს დაცვის ხაზის იდეალური ვარიანტის ძებნას.
26 წლის ფეხბურთელის მოქმედი კონტრაქტი 2017 წელს იწურება და მისი სატრანსფერო ღირებულება 14 მლნ. ფუნტს შეადგენს, რაც "წითელი ეშმაკებისთვის" სრულიად ხელმისაწვდომი თანხაა.
"იუნაიტედმა" სკაუტები არაერთხელ გაგზავნა გერმანიაში. მათ შორის "ბაიერნისა" და "შალკეს" დაპირისპირებაზეც, რომელიც 1-1 დასრულდა და ჰიოვედესი მარცხენა მცველად თამაშობდა.