მაიკლ ოუენი იხსენებს მატჩს, რომელშიც იგი შეცვლაზე შემოვიდა და "იუნაიტედს" "სიტისთან" შეხვედრის მიწურულს გამარჯვების გოლი გაატანინა.

ინგლისის ნაკრების ყოფილი ფეხბურთელი აცხადებს, რომ "ხმაურიანი მეზობლების" წინააღმდეგ 4-3 გამარჯვება მის მეხსიერებაში მუდამ დარჩება.

"ოლდ ტრაფორდზე" გადასვლისა და კრიშტიანუ რონალდუსგან 7 ნომრიანი მაისურის მემკვიდრეობით მიღების შემდეგ ოუენისთვის პირველი დერბი წარმატებული გამოდგა.

სწორედ იმ დღეს, ოუენმა "იუნაიტედის" ქომაგების სიყვარული დაიმსახურა, მიუხედავად იმისა, რომ მისი კარიერის განმავლობაში "ლივერპულის" მაისურითაც გაუხარებია მერსეისაიდელი ქომაგი.

თავდამსხმელი, რომელიც "რეალის", "ნიუკასლისა" და "სტოკის" რიგებშიც ასპარეზობდა აცხადებს, რომ დერბიში განცდილი ემოცია მისი ცხოვრების განმავლობაში არასდროს დაავიწყდება.

"ძალიან რთულია იმ ემოციების გადმოცემა"

"გოლის შემდეგ მოზღვავებული ემოცია და გრძნობა, რომელიც მომეძალა მხოლოდ უდიდესი ადრენალინის გამოყოფას თუ შეედრება."

"ძალიან მნიშვნელოვანი გოლი იყო."

"დაემთხვა დროს, როცა "სიტიმ" დიდძალ ხარჯვას მიჰყო ხელი და ფეხს იკიდებდა."

"შეიძლება ვინმემ თქვას, რომ წარსულში ისინი "იუნაიტედის" ხმაურიანი მეზობლები იყვნენ, ასე რომ ძალიან მნიშვნელოვანი იყო მათი დამარცხება."

"იუნაიტედში" ჩემი კარიერის ადრეულ პერიოდში გოლის გატანა და კლუბის ნაწილად თავის გრძნობა უდიდესი რამ იყო ჩემთვის."

"არსებობს მომენტები, რომელსაც არასდროს ივიწყებ."

"შეიძლება ასობით გოლი გაიტანო, მაგრამ როცა კარიერას ასრულებ - ჩემ შემთხვევაში მაინც - მხოლოდ 20 მათგანი მახსოვს."

"და მხოლოდ 10 მათგანი იჭერს განსაკუთრებულ ადგილს შენს გულში."

"ასეთი იყო თასის ფინალში გატანილი გოლი, ან "სიტისთან" ბოლო წუთზე გატანილი, თუნდაც მსოფლიო ჩემპიონატის ნებისმიერი გოლი. მსგავსი რამ შენ ცხოვრებას ცვლის."

წყარო: M.E.N.