ზედიზედ მეორე სეზონის განმავლობაში მანჩესტერულ დერბის 29 წლის მაიკლ ოლივერი განსჯის.
წინა სეზონის შეხვედრაში, რომელიც "სიტის" დამაჯერებელი გამარჯვებით 0-3 დასრულდა, მოხდა სკანდალი, რომელიც მაიკლს თვალთახედვიდან გამორჩა - მარუან ფელაინიმ იდაყვი ჩაარტყა საბალეტას, ხოლო დაცემულ არგენტინელს შეაფურთხა.
მაშინ ოლივერმა მარუანს მხოლოდ ყვითელი ბარათი უჩვენა, ხოლო FA-ს გამოძიებამ შეფურთხების დამამტკიცებელი საბუთი ვერ იპოვა.
მიუხედავად ამისა, ახალგაზრდა მსაჯმა კიდევ ერთხელ მიიღო დერბის განსჯის უფლება, რომელიც ამჯერად "ეტიჰადზე" ჩატარდება.
მაიკლ ოლივერი ერთ-ერთ ყველაზე პერსპექტიულ მსაჯად არის მიჩნეული და ის უკვე სახელდება 2018 წლის რუსეთის მსოფლიო ჩემპიონატის განსჯის ერთ-ერთ მთავარ კანდიდატად.