ალექსანდრ კოლაროვმა კიდევ უფრო დაძაბა მოახლოვებული დერბი იმით, რომ მისი განცხადებით "სიტი" ბოლო 5-6 წელია "იუნაიტედს" ჯობნის.

ორი მანჩესტერული გუნდი ერთმანეთს პრემიერ ლიგის მეათე ტურში დაუპირისპირდება ერთმანეთს. მანამდე კი "სიტიმ" მარცხი (ვესთ ჰემთან) იწვნია, "იუნაიტედმა" კი ერთი ქულის მოპოვება შეძლო "არისტოკრატების" წინააღმდეგ.

დღევანდელი მდგომარეობით ლუი ვან გაალის გუნდი თანაქალაქელებს 4 ქულით და 5 ადგილით ჩამორჩება. კოლაროვი, "იუნაიტედისადმი" პატივისცემის გამოხატვასთან ერთად, აცხადებს რომ ამ ორ გუნდ შორის სხვაობა იზრდება.

"შესანიშნავია ამ მატჩს უყურო, ან თავად გახდე მონაწილე." აცხადებს კოლაროვი TalkSPORT-თან ინტერვიუში. "ვფიქრობ, მსოფლიოს ნებისმიერი ფეხბურთელი ისურვებდა ამ მატჩში მონაწიელობის მიღებას. "იუნიატედს" დიდი ისტორია გააჩნია, მაგრამ ვფიქრობ, რომ ბოლო 5-6 წლის მანძილზე ჩვენ უკეთესები ვართ მათთან შედარებით."

"ჩვენ ახლახანს დავიწყეთ სეზონი. ასე რომ საკმარისი დრო გვაქვს ყველაფერი ჩვენს სასარგებლოდ განვავითაროთ. ყოველთვის რთულია პრემიერ ლიგის მოგება და "ჩელსისთან" ერთად ჩვენ ორი მთავარი კანდიდატები ვართ, ვისაც ამ სეზონში ჩემპიონობა შეუძლია."

"მათ (იუნაიტედმა) შეცვალეს მენეჯერი და იყიდეს უამრავი შესანიშნავი ფეხბურთელი. ვფიქრობ მათ კარგი სეზონი უნდა გამოუვიდეთ, მაგრამ ჩვენ კვირას სახლში ვმასპინძლობთ "წითელ ეშმაკებს" და უნდა ვაჩვენოთ, რომ უკეთესები ვართ."

გასულ წელს მანუელ პელეგრინის დახმარებით, "სიტიმ" პრემიერ ლიგის მეორე ტიტული მოიგო ბოლო სამი წლის განმავლობაში, მაშინ როდესაც დევიდ მოიესის "იუნაიტედი" მეშვიდე ადგილს დასჯერდა. ქალაქელებმა ასევე შეძლეს FA და ლიგის თასების მოპოვება 2011 წლის შემდეგ.

"იუნაიტედმა" ჩემპიონთა ლიგა ბოლოს 2008 წელს მოიგო. მას შემდეგ, "წითელმა ეშმაკებმა" პრემიერ ლიგის სამი მედალი და 2 ლიგის თასი მოიგეს.

წყარო: Mirror