ინგლისის პრემიერ ლიგის მე-9 ტურის ცენტრალური შეხვედრა "ოლდ ტრაფორდზე" შედგა, სადაც "მანჩესტერ იუნაიტედმა" ლონდონის "ჩელსის" უმასპინძლა და ბოლო წამებზე გამოგლიჯა ქულა სტუმრებს. პირველ ნახევარში ორივე გუნდს შეეძლო გატანა, თუმცა მეკარეები ყოჩაღობდნენ. დე ხეამ დროგბას არ გაატანინა, ხოლო კურტუამ ვან პერსის.

ანგარიში 53-ე წუთზე დროგბამ გახსნა, რომელმაც ფაბრეგასის ჩაწოდებით ისარგებლა და საკუთარი გუნდი დააწინაურა. კარგი მატჩი ჩაატარა კურტუამ, რომელმაც არაერთხელ იხსნა "ჩელსი" გაშვებული გოლისგან. გადამწყვეტი აღმოჩნდა 94-ე წუთი, როდესაც ფილ დაუდმა უხეში თამაშისთვის ივანოვიჩი გააძევა და სახიფათო ჯარიმა დანიშნა. საჰაერო ბრძოლაში ფელაინიმ ყველას აჯობა, თუმცა კურტუა კვლავ დიდებული იყო და საოცარი ბურთი მოიგერია. "არისტოკრატთა" სამწუხაროდ, ეს საკმარისი არ აღმოჩნდა, ლონდონელთა მცველებს "ჩაეძინათ", ყველას ვან პერსიმ დაასწრო და თავის გუნდს ქულა მოუტანა - 1:1.

9 ტურის შემდეგ, პრემიერ ლიგის ცხრილში "მანჩესტერ იუნაიტედი" 13 ქულით მე8 ადგილზე იმყოფება და 3 ქულით ჩამორჩება მეოთხეადგილოსან "ვესტ ჰემს". შემდეგი მატჩში ვან გაალის შეგირდები თანაქალაქელ "სიტის" დაუპირისპირდებიან "ეტიჰადზე".

"მანჩესტერ იუნაიტედი" – "ჩელსი" 1:1 (0:0)

სტადიონი: "ოლდ ტრაფორდი"
გოლები: 0:1 დროგბა (53), 1:1 ვან პერსი (94).
გაფრთხილებები: რაფაელი, ფელაინი, ვან პერსი – დროგბა, მატიჩი, ფაბრეგასი, ოსკარი, ივანოვიჩი, აზარი.
გაძევება: ივანოვიჩი (94).
მსაჯი: ფილ დაუდი

"მანჩესტერ იუნაიტედი": დე ხეა, როხო, სმოლინგი, რაფაელი, შოუ, ბლინდი, ფელაინი, მატა (უილსონი 67), იანუზაი, დი მარია, ვან პერსი.

მწვრთნელი: ლუის ვან გაალი

"ჩელსი": კურტუა, ივანოვიჩი, ტერი, კეჰილი, ლუისი, მატიჩი, ფაბრეგასი, ოსკარი (მიკელი 67), აზარი (შურლე 90), ვილიანი (ზუმა 93), დროგბა.

მწვრთნელი: ჟოზე მოურინიო