არც ისე წარმატებული გამოდგა ოქტომბრის თვე "წითლებისთვის", მათ მოახერხეს სამი ქულის აღება "ევერტონთან" მატჩში, თუმცა მომდევნო ორ შეხვედრაში მხოლოდ 2 ქულას დასჯერდნენ. ორივე შემთხვევაში "იუნაიტედმა" მხოლოდ ბოლო წუთებზე მოახერხეს ქულის გადარჩენა. გთავაზობთ ამ თვის სამ გამორჩეული ფეხბურთელს, თქვნ კი შეგიძლიათ მათგან საუკეთესოს მისცეთ ხმა

დავიდ დე ხეა | 3 მატჩი, 1 "მატჩის საუკეთესო ფეხბურთელი": ესპანელმა კიდევ ერთხელ დაადასტურა, რომ მსოფლიოს საუკეთესო მეკარეებს შორისაა. გასული სეზონის შესანიშნავად ჩატარების და "იუნაიტედის" წლის საუკეთესო ფეხბურთელის პრიზის მოგების შემდეგ მან შესანიშნავად დაიწყო ახალი სეზონი. დევიდმა განსაცვიფრებელი მატჩი ჩაატარა "ევერტონთან" და მისმა ბოლო სეივმა დიდი გამოხმაურება მოიპოვა. ის უძლური იყო "ვესტ ბრომის" ორი გოლის წინააღმდეგ, თუმცა შესანიშნავი კლასი აჩვენა "ჩელსისთან" მატჩში და ორი საოცარი სეივით მოახერხა ედენ აზარის და დიდიერ დროგბას დარტყმული ბურთების განეიტრალება.

მარუან ფელაინი | 3 მატჩი, 1 გოლი, 1 "მატჩის საუკეთესო ფეხბურთელი": ბელგიელი ნახევარმცველი ტრავმის შემდეგ პირველად მოედანზე თავისი ყოფილი კლუბის, "ევერტონის" წინააღმდეგ გამოვიდა. მომდევნო მატჩში კი მან მოახერხა მანჩესტერულ კარიერაში პირველი გოლის გატანა, ფელაინმა შესანიშნავად მიიღო დი მარიას ჩაწოდებული ბურთი, სწრაფად შემოტრიალდა და საოცარი დარტყმით აიღო ბოიას მაჰილის კარი. ლუი ვან გაალი მას "ჩელსისთან" მატჩშიც ენდო, სადაც მან მენეჯერის იმედები გაამართლა და მატჩის საუკეთესო ფეხბურთელად დასახელდა.

ანხელ დი მარია | 3 მატჩი, 1 გოლი, 2 ასისტი: სექტმებრის თვის საუკეთესო ფეხბურთელმა შესანიშნავი მატჩი ჩაატრა "ევერტონის" წინააღმდეგ სადაც თავის ანგარიშზე ერთი გოლი და 1 საგოლე პასი მიითვალა. "ვესტ ბრომვიჩთან" მატჩში მან რამდენიმე ძალიან სახიფათო ჩაწოდება განახორციელა და მოახერხა ფელაინისთვის საგოლე გადაცემის გაკეთება. "ჩელსისთან" გამართულ შეხვედრაში კი სწორედ მის ჩაწოდებულ ბურთს მოყვა რობინ ვან პერსის ბოლო წუთზე გატანილი ბურთი.

წყარო: ManUtd.com