ადნან ინუზაიამ განაცხადა, რომ მისთვის დიდი პატივია 11 ნომრიანი მაისურის მიღება რაიან გიგზისგან, რომელსაც ბელგიელი მის "ნათლიას" უწოდებს.
გიგზმა გასული სეზონის ბოლოს დაკიდა ბუცები ლურსმანზე და მაშინვე გამოთქვა სურვილი, რომ მისი ნომერი სხვა ფეხბურთელს აეღო. ეს ფეხბურთელი აღმოჩნდა ადნან იანუზაი, რომელიც დაუფიქრებლად დათანხმდა ამ შემოთავაზებას.
"მე ძალიან ბედნიერი ვიყავი, რომ მივიღე ეს ნომერი ასეთი ლეგენდისგან და ჩემთვის ეს ძალიან მნიშვნელოვანი მოვლენა იყო." -განუცხადა ადნანმა ManUtd.com-ს. "მე მივედი ოფისში და მკითხეს მსურდა თუ არა 11 ნომრიანი მაისური. არ ვაპირებდი უარის თქმას. პირდაპირ ვუთხარი 'რა თქმა უნდა' და ამაზე არც მიფიქრია. ეს პირდაპირი პასუხი იყო."
"ეს განსხვავებული გრძნობაა" - გააგრძელა 19 წლის ვინგერმა. "რაღაცეები შეიცვალა, რადგან 11 ნომრიანი მაისურის ტარება დიდი პასუხისმგებლობაა. რაიანი მე ძალიან დამეხმარა, ის ჩემთვის ნათლიასავითაა. მან მითხრა, რომ ბევრი უნდა მემუშავა ვარჯიშებზე, დანარჩენი კი უფრო პირადულია. საერთოდ ჩვენ ბევრს ვსაუბრობთ ფეხბურთზე."
იანუზაიმ მხოლოდ ერთი სეზონი ითამაშა რაიან გიგზთან ერთად, თუცა ბელგიელი თვლის, რომ ეს 12 თვე საკამრისი იყო უელსელის პროფესიონალიზმისგან მაგალითის ასაღებად.
"მე მისგან ბევრი რამ ვისწავლე და დიდი გამოცდილება მივიღე. რაიანი საყურებლად შესანიშნავი ფეხბურთელია და ჩემი ფავორიტია "იუნაიტედის" ისტორიაში. ვითამაშებ თუ არა 40 წლის ასაკში? რა თქმა უნდა, თუ ისევ მწყობრში ვიქნები. შენ არასდროს კარგავ საკუთარ დონეს, ეს ისაა რაც მისგან ვისწავლე."