"იუნაიტედმა" ბოლო წუთზე გატანილი გოლით გადაარჩინა თამაში და მოიპოვა დამსახურებული ქულა, მიუხედავად იმისა, რომ ძლიერი მოწინააღმდეგე თავს კარგად იცავდა.
ჩვენ შემოგთავაზებთ მოთამაშეთა ვიზუალურ რუკას, რომელზეც მოთამაშეთა პოზიციები და გადაადგილება ნათლად ჩანს.
გადაადგილება არ არის ზუსტი წუთების მიხედვით, მაგრამ გვიჩვენებს მოთამაშეთა ზოგად მოძრაობას.
პირველი ტაიმი
"იუნაიტედი" ასე გამოიყურება: ვან პერსი წინ, დი მარია და იანუზაი კი ფლანგებზე. ტაქტიკა: 4-3-3. მატა ნახევარ დაცვის და შეტევის შემაერთებელი ხიდია. ეს არის ის ცვლილება, რომელიც ვან გაალმა "ვესტ ბრომთან" მატჩის შემდეგ განახორციელა.
პიტველ ტაიმში ბლინდი ძალიან ეფექტური იყო, მიემაგრა ფაბრეგასს და თითქმის არ აძლევდა ბურთის მიღბის უფლებას. სესკს დაცვის ზონაში უხდებოდა ჩასვლა ბურთის მისაღბად.
მეორე ტაიმი
შესვენების შემდეგ, იანუზაიმ და დი მარიამ ფლანგები გაცვალეს. მეორე ტაიმის, პირველ 15 წუთში ანხელი ძალიან აქტიური იყო და ცდილობდა ივანოვიჩისთვის პრობლემების შექმნას.
მას შემდეგ რაც "ჩელსიმ" გოლი გაიტანა, გუნდი დაუბრუნდა ჩვეულ სქემას და ანგარიშის შენარჩუნებაზე ზრუნავდა. ტერიმ და კეჰილმა ძალიან უკან დაიწიეს, ივანოვიჩი და ფილიპე ლუისი თითქმის აღარ ერთვებოდნენ შეტევებში. შეცვლაზე შემოსულმა ობი მიკელმა კი ჩვეული სამუშაო შეასრულა.
"იუნაიტედის" შეტევა გოლის შემდეგ ვეღარ "დაიქოქა", მხოლოდ ბოლო 5 წუთში გააქტიურდნენ ისინი.
დასკვნა
ფაბრეგასმა, რაც არ უნდა გასაკვირი ყოფილიყო ეს მატჩის დაწყებამდე, ყველაზე ცუდი თამაში აჩვენა მას შემდეგ რაც "ჩელსის" წევრი გახდა. ეს მეტწილად, მარუან ფელაინის და დეილი ბლინდის დამსახურებაა, რომლებიც გასაქანს არ აძლევდნენ ესპანელს.
ფრე ორივე გუნდისთვის მისაღები და დამსახურებული შედეგია, მაგრამ "იუნაიტედი" შექების ღირსია, რადგან "ჩელსის" თამაშის მოკვდლა ძალიან კარგად ეხერხება და თითქმის ყოველთვის ინარჩუნებენ შედეგს, წითლებმა კი მოახერხეს და წაართვეს მათ გამარჯვება.